【逆缘】陈家乐认定余香凝真爱 未求婚已送定钻戒:会照顾佢一世
撰文: 陈栢宇
出版:更新:
陈家乐最近凭《逆缘》里面嘅角色而深受观众喜爱,搞到唔少人都翻睇佢以前嘅旧作,多数都应该系睇佢十年前扮乸型嘅《盛装舞步爱作战》同最近演技大跃进嘅《幸运是我》,但其实4年前播映嘅港台剧《总有出头天》都好值得一睇。点解?因为呢套剧系佢同女友余香凝(Jennifer)嘅定情之作,里面仲有佢哋两个劲浪漫嘅锡锡场面添!
【逆缘】被逼翻睇4年前HeHe场面 陈家乐掩面劲尴尬:有少少刺激
名乎其实锡到地动山摇楼都冧:
《总有出头天》里面佢两个就扮演“职安真汉子”,其中陈家乐就系做新世代搭棚达人,而Jennifer就演女监工。第一辑剧情去到中段佢两个就开始暧暧昧昧,Jennifer当时仲未同剧中男友赵劲皓分手,就已经发梦同陈家乐喺街头咀对咀,大玩精神上出轨。去到第二辑,已经同赵劲皓分咗手嘅Jennifer就应承咗陈家乐嘅求婚,而陈家乐仲话肯帮Jennifer一家供楼添。
+5
其实现实里面陈家乐都系一个100分好仔嚟,3年前公开恋情嘅佢最近就话5年内会同Jennifer拉埋天窗,而1年前佢揸车接Jennifer收工时,就劲唔好彩咁有俾人从后撞上而撞上石壆,搞到Jennifer撞至鼻骨爆裂,而陈家乐就好担心女友情况,仲话有咩事会照顾对方一生一世!
咁当然吉人自有天相啦,Jennifer好快就好返,Jennifer之前受访时就话陈家乐就想畀个Message佢,希望佢硬净啲,所以送咗只钻戒畀佢。讲返呢只戒指,陈家乐接受《香港01》访问时就咁讲嘅:“𠮶次车祸令我觉得生命好无常,我希望将来可以好好照顾佢,所以买咗只戒指代表一个承诺,所以唔系求婚戒指嚟,佢都话我做咩要买。”其实香港地真系冇边几个男仔未求婚就已经送钻戒,可想而知Jennifer对陈家乐嚟讲系几紧要吖,各位“陈太”恨唔到架喇。
余香凝真心靓,服唔服都看图:
+24