《爱回家》送水辉形象入屋　许家杰密密接Job：好多谢大小姐

凭著“送水辉”一角越演越红嘅许家杰，今日以模特儿身份出席品牌活动，唔讲大家可能唔知道，其实Jack第一次接触演艺圈嘅工作就系做模特儿，𠮶个时候只系得18岁，Jack透露当初仲记得余文乐做嘉宾。

而工作方面因为“送水辉”都好多人开始认识Jack，更多嘅系接Job接到手软，Jack表示：“得来从不易，真系好多谢爱回家，好多谢大小姐，不过通常都系情侣档一齐出席，可能话题性比较多啦。”

至于剧情方面嘅走势一众粉丝都好想知道大小姐同送水辉会走到去一个点样嘅地步呢？连本人Jack都好想知道会唔会开花结果，Jack都好识做透露一下听晚播出嘅剧情：“听晚就系同大小姐嘅初恋二部曲，上次就彷效咗一个电影情节，今次我哋就会有其它造型，会令到大家有耳目一新嘅感觉。”讲到呢度大家记得期待听晚嘅爱回家里面大小姐同送水辉感情线会点样。