【流氓大亨‧大结局】七分钟独脚戏一take过 万梓良功力真系超班
撰文： 黄梓恒
出版：更新：
《流氓大亨》今晚大结局喇！大家一定要开电视机睇精彩片段，事关今晚会有万梓良七分钟的独脚戏，就系佢大嗌“So what！”这个经典画面。之前已经讲到，这幕戏是由万梓良自己亲自度剧本，而且是一take过拍摄，即是这长达长分钟的独角戏要由他自己由头带到落尾，一个断镜都唔会有，无返咁上下功力都真系做唔到，万子你系得嘅！
呢幕戏好精彩，睇连环图都feel到佢嘅演技。
+44
【流氓大亨】罗青浩做细佬又俾万梓良真打 亚视经典剧套套有佢份
【流氓大亨】万梓良霸气个性写血衣投诉TVB 结婚仲有星爷做伴郎
早排郑裕玲Do姐在电台中的节目也提及过，万子这幕高水准的戏份，只需要2 take就搞掂收工，足以显出万子入戏的程度，唔需要不停ng就可以完成。睇吓Do姐点样赞赏万子：
仲有《流氓大亨》个ending真系要俾返个credit万梓良，因为𠮶场戏系佢写，我哋倾过好多ending，因为好多人有反应所以一定要好，咁有次收工已经2am喇，我就紧系返屋企瞓觉，佢就开夜车写剧本写到天光。我都唔系点好过，佢六点几就打俾我，问我可唔可以早啲返，咁我晕鬼咗喺度㗎喇（戏中），无反应，佢话可唔可以听佢做一次，要返去清水湾，就咁电话得唔得呀？唔得，要现场听一次。佢真系一个好好嘅演员，声泪俱下，做得好好，不过好彩佢俾我现场听一次，如果现场第一次听，我真系会喊，但我昏迷㗎嘛唔可以有声。𠮶场一开全场静晒，无人够胆有声，连打灯平时好嘈都无声，佢喺度蕴酿情绪，我就最好喇，喺度瞓渣嘛，真系瞓著咗。突然之间有个人好大声咁so what，我就知拍紧，成场戏顶多take 2就得咗。