张敬轩“找数”化身南非骑师“麦伟利”　骑住爱驹dahlia旺角送碟

一向谂头多多嘅张敬轩，早前透露过2018年是他的“找数年”，而第一条街数就是推出广东碟同国语碟，仲话要将啲烧陶瓷碟烧俾fans，不过名额只得十五个。轩仔日前在Facebook宣布点样可以得到佢嘅碟：“留言写出张敬轩嘅三个优点，并加以说明。”轩仔仲话会亲自挑选幸运儿粉丝！！但粉丝又点会咁容易拎到碟呢，轩仔今次就化身成送碟专员约好一班粉丝得奖fans去麦花臣球场揾“麦先生”，佢会拎住个红白蓝出现。粉丝听完当然即刻去，点知就遇到麦包（麦长青）又拎住个红白蓝出现，究竟系搞乜呢？

于是fans们就冲向麦包问佢攞碟，但麦包话：“咩呀？我都唔知㖞，我都系嚟攞碟㗎㖞。”等咗一阵，轩仔化身为一直被网民话同佢撞样嘅南非骑师“麦先生”麦伟利，仲“骑住马”出场𠻹，十分搞笑。fans见到梗系又惊喜又笑死啦，最后轩仔都有送番只碟俾真嘅麦先生麦包𠻹㗎。事后轩仔大呼好玩，喺超多fans赞佢嘅留言入面，轩仔最有印象就系：“我记得有一个系话‘你脚毛毛多唔怕俾蚊咬，因为啲蚊想咬你已经俾啲脚毛kick住窒息死。’同埋‘数口精，咁多条数要找，走数最实际。’啲留言真系好好笑，同埋佢哋真系好有创意。”

原来今次化身麦伟利背后亦有原因，轩仔就话：“因为自从扮过Emma Watson后，好多人都话我似麦伟利。今次送碟俾fans，我就想用一个特别啲嘅方法，于是就扮麦伟利啦。”虽然系扮嘢，但轩仔都好有heart，由神情至装扮都落足心机，一丝不苟，“只马系喺网上面买番嚟，套衫系特别喺英国订番嚟㗎，哈哈。送碟前一晚有喺屋企练过，特系麦伟利嘅笑容，同埋佢嘅‘ok’signature动作，最紧要系策骑动作。”