【三个女人一个因】哲学硕士钟志光从来冇心水球队：足球系好奇妙
《三个女人一个“因”》里面的钟志光是一名不折不扣的利物浦死忠，在剧中为了跟死敌曼联的粉丝斗嘴，甚至会在酒吧中跟人大打出手。不过原来现实中，钟仔并不是一个会追捧一对球队的人。
而提起钟仔，大家未必会对他演出的剧集角色有太过深刻的印象，因为他的体育节目主持做得太出色，基本上每一样体育他都能够旁述，亦因此得到了“万能钟”这个称号。但原来钟仔讲波的背后，随时蕴藏著一种哲学道理，因为他是一个哲学文学的硕士生！
很多人睇波都会有一队专属支持的球队，但钟仔却是例外，在接受《香港01》访问时，他说：“无！最主要系我睇波无话特别捧边一队，最紧要𠮶场波精彩，边队踢得好我都会欣赏佢。睇波讲波都系咁嘅心态，尼马好波㖞，但我唔会因为佢去咗巴黎圣日耳门而特别捧佢，山齐士都好波，亦都唔会因为佢由阿仙奴去咗曼联而我去捧曼联。”
那么究竟钟仔是用甚么心态去睇波呢？始终佢对住球赛分分钟比对住剧集的时间更多，他说：“足球系一件好奇妙嘅事，朋友们有呢种心态（死忠）我都好明白，呢个系好难得嘅，你钟意热剌咪热剌啰，钟意捧屈福特都唔紧要，但系当屈福特或者一啲下线球队你就唔好埋怨人哋，因为系你自己接受嘛。我自己就唔系𠮶类喇，纯料睇波，整体去睇，值得赢咪去赢啰！就好似巴塞啱啱赢车仔，车仔第一场其实打得好好㗎㖞，我第一场欣赏车仔㗎，但第二场就散晒，又睇到美斯一个人就改变咗个战局，睇波就系咁。”
真系一队特别喜欢的球对都没有？“唔会特别去捧佢啰，即系每一个时代都有啲特别有代表性嘅球队，70年代就利物浦喇系咪先？到后期阿积士90代拎欧联𠮶阵全部都𡃁仔嚟㗎㖞，呢啲咪值得去欣赏佢啰，但我唔会因为佢咁样而我做佢die heart fans。”难怪钟仔讲波一直都咁中立喇！
【三个女人一个因】陈俊坚终于有发挥：呢套剧系入行后最大的挑战
【三个女人一个因‧任噏乱评】高层未信任黄智雯 收视成平反理据
【三个女人一个“因”】剧集三大亮点 黄智雯争视后要靠呢个角色
不过钟仔自从有一次被监制叫去拍剧后，剧集一直都陆续有来，基本上一年都有接近十套。虽然戏份不多，不过在主持与演员之间不停地走来走去，铁人也会累，更何况钟仔已经50岁了，不过他却这样认为：“唔会嘅，因为工作嘛，第二做体育节目系另一个工种，拍剧又系另一种。对我嚟讲就觉得好幸运嘅，即系好似你去食饭咁，一餐饭系可以食足粤菜、上海菜、法国菜，仲食埋意大利菜，好鬼正。”
大家都知拍剧工时长，会唔会成日无得瞓？他说：“都唔会㗎，呢个情况唔会经常发生，都顶得住。我哋做演员或者体育节目或者艺人，有个好怪嘅特质，无论你点累点眼瞓都好，个cam一著咗你就好精神，呢个唔系做开我哋呢行可能会领略唔到。”钟仔曾经试过跟江嘉良（前中国乒乓球国家队成员）主持奥运节目，该节目长时间要留在乒乓球馆作准备，当未有比赛时，钟仔会小眠作休息，但一开机拍摄便会好精神。这个情况令到江嘉良觉得很神奇，明明刚刚还在睡觉，转个头仿佛变了第二个人，这个就是演员的特质。
很久以前钟仔是读体育出身，出来打工后为了进修便读了一个康乐及管理课程，就在读完这个课程后，钟意向自己起誓，如果今生再有机会读书，一定不会再读跟工作有关的课程。结果之后读咩？原来系香港公开大学人文学科荣誉学士、香港大学中国语言及文学硕士和香港中文大学哲学文学硕士。
至于点解会读哲学，他说：“唔系儿时梦想㗎，其实系一步一步，因为我哋成长系无哲学读，最相近都可能系读中国历史嘅思想部分，一路一路接触又觉得几有趣，之后就有兴趣读相关嘅课程。”香港栋笃笑之王黄子华就常常将哲学理论放在栋笃笑里面，那么钟仔讲波又会否将哲学融入其中呢？“唔得嘅，呢样嘢系两回事，我哋唔可以硬去谂一样嘢去套落另一样嘢度，不过有时会不自觉将个概念放咗落去。”
大家不妨睇吓钟仔嘅金句，睇吓有无哲学玄机。（摘自维基百科）
无线互动Giv游戏，send多啲短讯嚟啦
呢球波龙门救唔到一定入
法定时间冇入波睇唔紧要，踢到互射12码阶段一定有得睇入波
空门呀，但一射射唔入，你嚟个倒挂呀，呢个真系超级大傻仔呀
呢啲波你都唔系向著龙门射，点倒挂呀，老友，您估您真系识自动导航咩，真系
喂，踢好啲㖞，老友
呢场波系开赛廿分钟已经入左两球，好大机会之后会出现第三球。
杰志呢度有伍健，我地呢度有两件，仲有一件“Keyman”马启仁
伊度奥同亨利感情好到极，喺更衣室门口等对方，只差在未手拖手入更衣室
呢个超级大傻仔（对象是港会球员罗伦士）
喂，踢好d波wor，大佬
叫你入波，逃也逃不到，避也避不到
呢场波一定有得睇入波，120分钟冇波入唔紧要，射12码果阵一定有得睇入波
块地系干，唔系祖云达斯果个“干地”
巴塞前场好似杰志领队一样，“伍健”（五件）
你识自动导航咩？真系！
喂……keyman……你点睇？（视乎哪位评述员／嘉宾在现场；如张国强在现场，会讲“喂，KK，你点睇？”）
秋后算帐施丹实唔惊，佢都退休……停几多场都无所谓……
请大家留意“x月”“x日”“x时”“x分”我地无线电视将会直播荷兰甲组足球大赛：“xx”对“xx”...请大家唔好错过啊！
喂……伟文你点睇啊？
贝克汉好深受香港球迷欢迎播……
大人细路都o岩睇既哆啦A梦
啊罗生呀，点解今日你唔著红色衫既？
排系第15、16呢d球队要小心d，再唔踢好d，随时会有降班威胁（评述荷兰甲组足球大赛精华时）
朗拿甸奴式既过人
除左技术之外，仲要用超技术
神奇过神奇
你攻我挡，你攻我挡……
睇下呢球波先……
keyman……节目开始啦……仲睇书？（2008年4月13日既球迷世界）
依家仲少林足球？依家兴玩父子情！
呢队波弱过“药”煲！
呢球波差d啊……
你手拉我手，点解手牵手？
强者败，更强者胜！
消极过唔消极
有施丹喺度，就以为佢系仙丹呀？
旁证未落旗呀！
冰筒入边咩黎架？冰水黎架！
如果你唔钟意叹冷气，亦可以到出面嘅沙田中央公园，哗，凉风集集，爽呀！（己丑年沙田龙舟竞渡）
亚公角真系不费吹灰之力，轻易赢左“消防署新界东”（评述己丑年沙田龙舟竞渡）
此时此刻，无语问苍天