《和游记》结局篇李升基斩龙未成满面血 吴涟序救世变喷血？
撰文： 沈洛嘉
出版：更新：
韩国tvN人气电视剧《和游记》由李升基、吴涟序、车胜元、FTlsland主唱李洪基等人主演，去到今个星期《和游记》已经踏入结局周，星期六、日播埋最后两集就会播出由《Running Man》成员李光洙同《尸杀列车》郑有美主演嘅警察题材新电视剧《Live》。
《和游记》上集讲到车胜元已经知道自己个仔冇死，而李升基同吴涟序千丝万缕嘅感情线都渐见起色，本来相信都可以有happy ending！之不过《和游记》大结局前席，李升基都要先解决李世荣（饰阿斯女）同宋钟镐（饰姜大成）召唤“神龙”一事，可惜此龙被李升基发现并唔系咩神龙，而系由恶鬼整成嘅黑龙，至于所谓成为世界嘅王，亦只系将世界毁灭！当然，身为孙悟空嘅李升基一定要出手阻止啦！意想不到系李升基喺《和游记》最新预告中竟弄得满面血痕，未知佢会唔会因为对抗黑龙而有生命危险呢？
+21
而心怀善意、心系世人嘅三藏吴涟序就赶到李世荣召唤黑龙嘅地方，务求阻止呢场浩劫！喺最新《和游记》预告中就见到吴涟序拎住把刀准备割腕，睇嚟阻挡浩劫又需要用到吴涟序嘅血。之不过镜头一转，竟然见到吴涟序口中喷血！唔通真正有生命危险其实系吴涟序？想知李升基同吴涟序有冇事，就要死守今个星期《和游记》大结局喇！
《和游记》第19集预告：
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/