【周游东京】神社参拜开运小知识 周奕玮：御守有期限非keep一世
去日本大家最钟意做啲咩？疯狂食好嘢之余，赏花行山文青系路线都系唔少人至爱。所谓入屋叫人入庙拜神，特别系日本嘅寺庙神社咁靓，系唔少游人去打卡嘅热点，不过原来到神社参拜都有唔少注意事项，好似御守有期限你又知唔知？日本通周奕玮就喺节目《周游东京》同大家详细解说。
所谓入屋叫人入庙拜神，喺日本有分为寺庙同神社，到底点分？寺庙系佛教，而神社就系神道教，认住有个鸟居嘅就系神社。Jarvis周奕玮喺《周游东京》就同大家分享“4个神社开运小知识”。
一、行过鸟居要小心？
一去到神社第一件事唔系影相打卡，而系向鸟居鞠躬话俾神明知自己嚟参拜，经由参道入神社时要靠左边行，因为正中系神明行架。
二、入赛钱要用5円？
其实入5円系因为谐音相关语，Jarvis解释即系香港嘅“食字”，5円日文谐音系御缘，11円同41円都系代表良缘，不过大家就唔好投10円，因为谐音会系“遥远的缘份”，唔吉利呀。
三、过期御守要处理？
唔少人都钟意买御守做手信，又好意头又靓，但Jarvis就带大家睇下一个御守回收区，原来御守唔可以摆一世架﹗期限系一年，到期唔可以就咁掉落垃圾桶架，年尾或年头再去神社时放喺回收区，神社会做完法事再处理。
四、求到签文要带走？
去神社时大家应该都会见到，有大量签文绑喺树上，咁系咪即系求完签唔好拎走呢？Jarvis走去问神社负责人，官方答案系签文无论吉凶都要拎返屋企，然后又系一年后绑返喺神社，唔好自己乱掉呀﹗
暴龙哥教晓大家边度叫牛欢喜，Jarvis就带大家去一间，可以食匀82个牛只部位嘅餐厅。到底边个部分最好食？原来日本依家最流行食“幻之部位”Chateaubr，亦即系牛腰脊肉。本身牛脊肉已经相当少，Chateaubr系牛脊肉中心部分，大大只牛切出嚟都系得几百克，真系相当稀有架﹗厚切去烧一样又滑又幼嫩入口即融，食落口无油腻感觉，深受日本女士喜爱。