【周游东京】日本房一定细？　周奕玮推介三大性价比高住宿

去旅行除咗食同买，更多人可能只系想离开工作同生活繁琐，唔使行步路都咁赶，好好休息放松一下。日本嘅酒店出名细，细到想两个行李一齐打开都相当困难，不过只要识揾一样有好选择，日本通周奕玮就喺节目《周游东京》同大家介绍几间又大又靓又有特色嘅住宿好选择，唔系近地标打卡就系高科技，紧有一间啱心水。

【周游东京】神社参拜开运小知识 周奕玮：御守有期限非keep一世

日本出名多高科技又贴心嘅设计，真系随时睇到哗哗声，周奕玮（Jarvis）走入其中一间酒店，去到接待处就已经被吓，呢间唔系鬼屋设计，而系店方竟然出动到大大只恐龙做接待员，协助客人check in，揿制揿得慢啲只恐龙又会忽然狂吼，吓破胆之余又令人难忘。

【周游东京】日本通周奕玮带队 100円狂扫吞拿鱼刺身劲抵食

酒店房内看似平平无奇，其实充满高科技嘅惊喜。呢个看似雪柜嘅银灰色物体，原来系用嚟挂衫，唔单止系挂咁简单，仲系一个神奇洗衣柜，可以蒸气洗衣仲有干衣功能。食完烧肉成身BBQ味道呢个柜一样帮到手，揿除臭消毒MODE，挂入去20分钟即刻清新晒。

另一间位于晴空塔附近嘅新酒店，喺房内已经可以透过落地玻璃望到地标晴空塔，日景夜景都尽收眼底，随时可以自拍打卡，连浸浴亦能一睹高塔，不过令Jarvis流连忘返的却是酒店公众天台开扬风景，放眼望去无边天际，静静地坐喺度已经相当舒服，Hea足一个下昼都无问题。

除咗酒店之外，2018年起日本民宿合法化，大家去旅行都多咗好多选择，特别系一家大细或者同朋友多人出游，想住埋一齐最好就系拣apartment。有设计师颠倒房间四正传统概念，创造出9间兼备艺术元素嘅有趣民宿。每间民宿设有3房1厅1厨1厕，但不设衣柜，想挂衫点算？原来房内嘅梯就系俾大家爬上天花板挂衫，呢啲一个个圈仲相当受力，可以挂起吊床瞓上去，真系非常写意呀。