【周游东京】日本通周奕玮带队　100円狂扫吞拿鱼刺身劲抵食

撰文： 洪晓璇
出版：更新：

TVB每年都有几个去日本嘅旅游节目，《东京攻略》杜如风嘅疯狂Shopping、《森美旅行团》森美嘅家庭小品路线、仲有郑裕玲农夫《Do姐去旅行》知性路线，香港人去日本真系永远都唔会厌，但拍日本旅游节目难度亦相应增加，当人人都咁熟悉呢个地方，仲可以拍啲咩无乜人知嘅嘢呢？估唔到新节目《周游东京》会有惊喜，网友仲大赞系TVB近年最好睇嘅日本旅游节目添！

Jarvis周奕玮考获日本语能力测试N1资格，去拍旅游节目都唔使翻译帮手。（周奕玮Facebook）

主持周奕玮就咁听个名未必记得系边个，见到个样就会认得，系经常到影展采访，兼专门访问日本明星嘅娱乐主播Jarvis。原来佢曾到东京留学一年，考获日本语能力测试N1资格，故此对当地人先识嘅地道景点活动都了如指掌﹗第一集一开始佢就介绍一间餐厅，放低100円可以1分钟任夹新鲜吞拿鱼刺身，Jarvis成功夹到24粒刺身，平均4円一件！

100円就可以1分钟狂夹吞拿鱼刺身，跌落台面就即刻中止架啦，有得玩又有得食。（影片截图）
刺身相当新鲜，绝对唔系次货嚟架！（影片截图）

【周游东京】神社参拜开运小知识 周奕玮：御守有期限非keep一世

就系呢位太太，著住战利品再次参战，仲好大方咁教Jarvis要除咗身上啲衫再抢呢个秘技。（影片截图）
唔好睇啲衫放到咁乱，里面好多宝物架，好多人都特别嚟参与。（影片截图）

【周游东京】日本房一定细？　周奕玮推介三大性价比高住宿

带埋小朋友做人肉衣架，呢个方法唔错呀下。（影片截图）

Jarvis去呢一场大约30人参战，一开始个个就喺面前埋积如山嘅衣服堆丧抢，规则讲明最终要著得晒上身先可以拎走，眼见个个变晒圣诞树同游牧民族一样，唔少女士仲拖埋小朋友做人肉衣架，不过都唔及呢位大叔，抢到23件战利品，裙都著到3条真系抵佢打破纪录啦﹗Jarvis都不负众望，抢到13件当中仲有一条名牌颈巾，总值超过11万円即系8千几港币﹗真系有得玩又有得拎走，正呀！

咁平靓正，Jarvis都暂时放低主持身份，抢完再算。（影片截图）
最终抢到13件战利品，仲有条名牌颈巾，成绩相当唔错。（影片截图）
+9