《与神同行》 吴达庶被爆曾性侵女演员 受害人：佢伸手入我条裤
撰文： 沈洛嘉
出版：更新：
“＃MeToo”反性侵运动蔓延至韩国娱乐圈，除咗《月之恋人－步步惊心：丽》中赵敏基、韩国Hip Hop歌手Don Milk性侵未成年女粉丝之外，今日更爆出韩国资深演员“吴某”曾经性侵剧团年轻女演员，无耐就被爆出吴某就系非常有名嘅吴达庶，吴达庶曾经出演《盗贼门》、《7号房的礼物》、《暗杀》、《隧道》，以至最近嘅《与神同行》以及《1987：逆权公民》。
近日就有网民大爆20年前喺釜山小剧场，一名年轻女演员曾遭到吴达庶性侵，又指吴达庶系变态、恶魔、有精神病，该名爆料人士称遭到性侵后，一直活喺冲击当中，过去20年仍然过得十分痛苦，一直接受精神科治疗，希望咁厚脸皮嘅人可以得到惩罚。
除此之外，另一名被性侵女性喺同一个帖子留言，再爆出吴达庶性侵恶行，指“喺90年初期，同样喺釜山小剧场，当时我着住短裤，佢突然将手伸入去我裤入面，用手指喺个𠮶地方搅动，请大家好好睇清楚，佢只系一个变态性侵犯人。”
直到今日下昼，吴达庶所属经理人公司Starvillage Entertainment终于现身听韩媒电话回应，据知Starvillage Entertainment一开口就先道歉表示“十分抱歉，有关吴达庶嘅事我哋无话可说”，同时对于吴达庶会否从tvN新剧《我的大叔》下车一事亦无回应，只表示歉意后就匆匆收线，被指默认吴达庶性侵一事。
更多图片
+8
《与神同行》劲多韩星打酱油 点止EXO？楚江大王同任达华kiss过
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/