《与神同行》劲多韩星打酱油 点止EXO？楚江大王同任达华kiss过
韩国超卖座电影《与神同行》截至昨日（22号）喺香港已经突破3,000万票房，河正宇、车太铉、朱智勋、金香起同李政宰仲特登拍片多谢香港观众入场支持！朱智勋更因为《与神同行》翻生，被封为韩国型男，嚟紧仲有好多粉丝等睇佢嘅作品。
不过今日唔同大家讲主角，来介绍《与神同行》一众“大卡士”配角！追开韩剧、韩国电影嘅韩迷喺睇《与神同行》时，一定会见到好多熟悉嘅面孔！嗱！真系唔止片尾先出场，将会拍《与神同行2》嘅马东锡（又译：马东石）㗎！
睇亲韩剧都见的楚江大王金海淑
在《与神同行》睇到车太铉差啲过唔到怠惰地狱嘅“冥河”时，可能大家都会好紧张！不过记者就将焦点放咗系楚江大王身上，因为饰演楚江大王嘅演员金海淑，佢实在演出过太多韩剧喇！由《蓝色生死恋》、《听见你的声音》、到近期的《悄悄话》佢演过半百套韩剧。而在2012年的电影《盗贼门》中，除咗有金秀贤激咀全智贤之外，楚江大王金海淑同“卡士兰”任达华都系一对㗎！金海淑同任达华喺《盗贼门》内发生一夜情后，因为喺赌台上抢钱而畀人追杀，任达华仲为咗保护金海淑而中枪，最后仲双双殉情，大家又觉得够唔够“sweet”先？
恶过丧尸泰山大王金秀安
而《与神同行》喺说谎地狱嘅“剑树林”入面，相信大家都一定会认得泰山大王金秀安，因为呢个只有11岁嘅妹妹，就曾经饰演《尸杀列车》男主角孔刘个女，亦在《军舰岛》中做黄晸玟个女。金秀安在呢几套戏入面都表现出成熟嘅演技，值得一赞！不过记者最满意都系泰山大王最尾一句对白：“我因为你哋（判官）变老喇！你哋跟我出嚟！”虽然好似好老成，但成个画面睇落又的确可爱兼带畀人欢笑！
《绅士的品格》reunion宋帝大王金荷娜
另外，《与神同行》仲有好多出名嘅韩星，好似金秀路做被救猫嘅主人，最后出场嘅地狱使者金旻钟，喺《与神同行》入面都有出场打酱油！但数到最打酱油嘅就一定非金荷娜奠属！呢一刻可能你都会问《与神同行》有金荷娜咩？就等记者提提你啦！金荷娜在《与神同行》扮演宋帝大王，系负责背叛地狱嘅“天地镜”一关。不过成场戏真系快到唔记得佢做咗啲咩？车太铉就过咗关！如果记得嘅戏迷绝对系超级韩片、韩剧迷！有齐金秀路、金旻钟同金荷娜，其实《与神同行》嘅串星，系咪《绅士的品格》reunion来㗎？
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/