请回答1997！Apink恩地晒扁咀相 睇完H.O.T《无限挑战》感动到喊
作为一名K-pop迷真心不得不佩服《无限挑战》节目组，先策划《星期六星期六是歌手》（六六歌）呢档节目，再撮合水晶男孩（SECHSKIES）殷志源、李宰镇、金在德、姜成勋、张水院、高志溶喺游击演唱会首度合体，虽然高志溶就并未重返水晶男孩，但兼余5人就同YG Entertainment签订团体约，以水晶男孩名义重启活动，现今都发展得不错，又有拍摄团体综艺节目，更有举行巡回演唱会以及粉丝见面会。
其实《无限挑战》自2015年就已经有同H.O.T 5名成员文熙俊、张佑赫、Tony An、Kangta以及李在元持续沟通，今次《无限挑战》真正撼动元祖初世代偶像H.O.T，跟水晶男孩不同之处则在于H.O.T是完完整整5人重组一同站上舞台。H.O.T当年只活动大约5年时间就宣布解散，近年都一直有传出H.O.T重组嘅消息，但最终都无疾而终，时隔17年H.O.T真真正正5人一同站上舞台，共同表演属于H.O.T嘅歌！
喺《无限挑战》六六歌当中，节目组就要求H.O.T唔可以私下联络，嚟唔嚟参加重组完全睇个人意愿，当Tony An见到H.O.T一条心全人到齐重组时，都忍唔住流下男儿泪。而去到H.O.T轮流打畀中奖粉丝环节，告知粉丝可以出席2月15日MBC梦想中心举办特辑舞台，见证H.O.T嘅重组时，当中就有粉丝哽咽讲出“真系等咗好耐”，过咗17年咁长时间，当初嘅少女们都已经成为人妻、人母，更有一名中奖粉丝指自己已经怀有第2胎，仲话2月15日当中一定要去参加H.O.T嘅《无限挑战》六六歌添！
就连喺《请回答1997》热爱H.O.T成员Tony An嘅成诗媛（Apink恩地饰）都忍唔住喺个人Instagram更新写下“Tea time，期待六六歌，睇完无限挑战嚎啕大哭，诗媛啊…”如果《无限挑战》六六歌可以邀请埋成诗媛上去客串一下就好喇！
更多图片
H.O.T《Candy》Encore舞台
《吃货神探》李敏豪专访Regen赞佢跳舞叻 因ＯＯ同Apink娜恩熟？
下载《香港01》App，更多韩星靓相、影片率先睇！
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/