【成家立室】郭富城做老窦心态变：工作完即刻想返屋企见个女

郭富城于1994年的一席戏话，说自己将来结婚会向全港巿民派利是，估唔到大家一等就系24年，佢今日出席新春活动，话今年系佢人生中最开心的新年：“去年成咗家，又添咗新成员，从来未感受过呢种家庭热闹气氛，一个好圆满的家庭，工作完想即刻想返屋企见个女。”

【向全港派利市】郭富城讲得出做得到：睇返啲访问都觉得几搞笑

但城妈似乎未满足，催城城快啲添返个仔，佢仲扮城妈催自己生仔个样，一向出名孝顺嘅城城梗系听妈咪话啦：“我都系锡妈咪嘅，想佢开心，我都系顺其自然咁去追多个仔。”

婚前经常拒绝回应感情问题嘅城城，结婚生女之后，就成日将囡囡Chant挂喺口唇边，讲起个女，停都停唔到，仲话好享受凑女嘅生活:“我觉得最大嘅挑战系喂佢食糊仔。”因为B女一啖一啖咁食，好考耐性，不过城城咁锡个女，阿女食几耐都无问题啦。

【凑成好字】郭富城婚后首过新年　狗年愿望：想追多个仔﹗

城城续说：“之后第二个目标就是带佢出公园玩，因为过去几个月都忙于工作，无时间带佢去玩，而且佢之前年纪太小也不敢带佢出去太多人嘅地方，依家就带佢去瀡滑梯，荡千秋也很开心，而再下一个目标就是帮她冲凉。”若说全世界最得城城心嘅女仔，一定非佢个囡Chant莫属。