【凑成好字】郭富城婚后首过新年 狗年愿望：想追多个仔﹗
撰文： 洪晓璇
出版：更新：
细个过年特别开心，有假放有好嘢食仲有好多好多利市。结咗婚就唔同讲法啦，放假要到处拜年，放完好似无放一样。郭富城婚后首次过农历新年，佢都好大感受，终于享受到家庭乐，年初五出席新春活动时仲：“新年愿望就系想追多个仔﹗”
【找数】郭富城24年前承诺结咗婚向全港巿民派利市：人人有份！
一年之间城城由钻石王老五，变成人夫再做埋人父，一家三口过年当然特别有气氛：“今年自己多咗囡囡，又结咗婚，家庭生活十分圆满，好开心嘅一件事。咁多年来新年放假时间都好短，可能出完活动又要出发去拍戏。但今年有安排，第一次好好享受家庭乐。”
可能呢几日真系同个囡囡对得多，城城开口埋口都提起爱女，笑到见牙唔见眼：“咁多年嚟自己都好渴望有自己嘅宝宝，上年生咗囡囡，自己好开心亦好多谢大家对我嘅祝福，做爸爸心情到宜家都仲系好兴奋好开心。”新一年城城都系歌影两边忙，暂时预计开50场世界巡回演唱会，不过最大计划其实系：“新年愿望希望追多个仔啦﹗”预祝城城快啲再做爸爸呀下﹗
+2