【绝世好女友】谢芷伦悭家又体贴 连潮州功夫菜“反沙芋”都识煮
“港女”一词近年变成奄尖控制狂拜金嘅代名词，但其实香港女仔一样有好多可取之处。《爱．回家之开心速递》中，Mandy林美香由当初嘅拜金女变成满分女朋友。现实生活中谢芷伦都一样贴地，她说：“如果结婚时无楼，真系可以住男家或女家，唔一定要搬出嚟。”简直系绝世挨得好女友呀 !
场地提供：回味无穷印尼餐馆
《爱．回家之开心速递》中，Jan谢芷伦饰演大小姐嘅秘书Mandy林美香，由当初嘅拜金女变成绝世好女友，拒绝钓金龟识富二代，宁愿陪男友街边食肠粉。Jan就话现实生活中自己比较少食街边嘢，快餐店坐低食开心啲，“M记早餐系我至爱，以前拍拖都成日食，最钟意食薯饼。”
Jan仲话情人节千祈唔好出街食饭：“真系特别贵好‘掠水’，宁愿自己煮或者提早食饭庆祝，茶餐厅都无咩所谓，有心就得。”
除咗识得悭钱，Jan入得厨房出得厅堂，事关谢家有个厨艺高超嘅谢妈妈，可以从旁偷下师，“ 新年细个有帮手整油角，有跟妈咪学整潮州反沙芋，真系超好味架。”连呢款功夫菜都识整，果然系好女友好媳妇代表！喺Jan心目中嘅最佳女友又应该系点？ “我觉得应该系要知道对方经济能力去到边，包容对方俾到啲咩，唔好强求要求，有沟通相处舒服。”
【初三赤口】林淑敏狠评大小姐 “佢咪一个识打扮嘅老姑婆啰！”
有时拍拖拍得耐唔系话唔想结婚，不过现今世代年轻人都不禁叹一句：“那有钱！”无钱买楼无得二人世界，令唔少爱侣面临唔结就分嘅困境。有楼无楼又系咪结婚嘅重要指标呢？Jan就觉得：“ 好现实嘅社会现象，真系无楼嘅可以住男家或女家，唔一定要搬出嚟。（唔怕有婆媳纠纷？）好多朋友都有分享过，通常推个男仔去讲。比着系我都一定唔会直接同老爷奶奶讲，如果小事忍咗佢啦，真系忍唔到就同另一半讲。”听落好有计划咁，但Jan话无时间拍拖依家仲系单身，咁大个笋盘，男士们识做啦。