【初三赤口】林淑敏狠评大小姐　“佢咪一个识打扮嘅老姑婆啰！”

见到呢张相呢个人，大家第一个反应会叫佢咩名？应该大部分人都会冲口而出叫佢做“大小姐”。林淑敏2000年参选港姐入行，参演超过120套剧集，高峰时期一年内13套剧都见到佢嘅身影，其中《爱 ‧ 回家之开心速递》中，龙力莲大小姐呢个角色，更令佢首次获提名“最佳女配角”。狗年就俾个机会林淑敏同大小姐对谈啦﹗

场地提供：回味无穷印尼餐馆

林淑敏即系大小姐，最了解呢个角色当然一定系佢本人啦：“大小姐呀？佢咪一个识打扮嘅老姑婆啰，呢世都嫁唔出架啦性格唔好。”讲就咁讲，但大小姐嘅好Mandy又点会唔知呀：“大小姐其实很坚强，然外冷内热，不过好有爱心，对身边人都很好。要身边同事家人有需要，一定会帮忙。”唔止帮人，大小姐帮到最多嘅，应该系Mandy本人。

“大小姐真系令好多人认识我。”林淑敏由衷地讲出呢句心声。《爱 · 回家之开心速递》中，同一贯TVB处境剧一样，围绕一个家庭为主轴，大小姐一角作为公司高层，戏份本来真系唔算多。但就正如袁文杰凭游生弹起，好嘅演员唔会因为戏份多少而被埋没，只要等待时机一到自然大放异彩。

“《爱·回家之开心速递》同《平安谷》系差唔多时间拍摄，我扮完村姑入化妆间换妆SET头变身做大小姐，两个角色我都好钟意，好多群戏。喺平安谷入面团购，买亲嘢都系几十份入货，大家相处得好开心，而大小姐又好又发挥，立秋嫂俾男人虾，大小姐就不停闹返啲男人，其实真系演员嘅乐趣，可以不停体验唔同嘅人生。”Mandy表示新一年最希望都系身体健康，只要大家睇唔厌想一路演落去。