汪明荃觉香港人生活紧张易动怒：要放宽心怀　郑少秋自认系猪兜

今日大年初三赤口不宜拜年，汪明荃同郑少秋就齐齐为沙田马场举行的农历新年赛马日担任嘉宾，献唱贺年歌祝福大家。问到汪阿姐有无试话年初三赤口拜年同人嘈交，她说：“无㖞，都无咩去拜年，我年初一至年初七都要开工。不过唔好话年初三吖，香港人唔理初几都可以嘈交嘅，应该系话初三唔嘈交已经好好㗎喇。（觉得佢哋好钟意嘈交？）香港人生活紧张，好容易动怒，大家可以多啲放宽心怀，凡事退一步，心平气和啲去面对。”

至于秋官一样系未试过初三拜年同人嘈交，他强调：“我都唔钟意同人闹交嘅，咩日子都唔会同人嘈。”他又指自己和汪阿姐生肖都是属猪，今年属猪运程相当不错，但却不觉得自己好运，笑言：“点解我猪兜咗咁耐都未轮到我？”