汪明荃做柴可夫司机够亲民 陆浩明受宠若惊拍片晒命
撰文： 洪晓璇
出版：更新：
提起汪明荃，大家会联想到咩关键词？热咖啡？经过那些年？有霸气？早前汪阿姐喺无线颁奖礼上，公开呼吁TVB“加人工、减工时、少啲山头文化”，令网友支持度大增。呢日陆浩明上载一段限时短片，仲揭露阿姐荧幕背后亲民一面。
【慈善星辉仁济夜】汪明荃出力筹款 开场再唱“经过那些年～～”【慈善星辉仁济夜】张敬轩高水准演出《缺》 好期待六月演唱会
刚过去嘅星期六晚，汪明荃为《慈善星辉仁济夜》做开场嘉宾，同一班小朋友合唱首本名曲《华丽转身》。仲要拍住陆浩明、邓梓峰、陈敏之担任司仪，其实以阿姐嘅年资地位，真系大可以客串下休息多啲，不过佢依然每次现身都全力以赴做到最好，仲做足100分添。完骚后6号上载一条短片，写上：“阿姐送我返屋企…好感动”见到6号坐喺副驾驶座举晒V字，阿姐就专心揸车，除咗葡萄都唔知讲咩好啦，今次又真系抵6号咁得戚嘅﹗