张曦雯攞正牌着泳衣　只因麦玲玲赠两句“着少啲衫会更好运”

近日在TVB节目《3日2夜》中又骚身材嘅张曦雯再度被网友高度关注，贵为新一代女神嘅佢当然要密密揾真银喇！今日Kelly就与麦玲玲一齐于上环出席活动期间，就被玲玲师傅赠两句，指Kelly今年如果可以著少啲衫会更好运。Kelly其后接受《香港01》访问时被问到会唔会，她就笑言，“都无话性唔性感，玲玲师傅都讲得好啱，佢叫我要近水多啲，去多啲沙滩著少布啲咁，我都会听佢话嘅！”相信唔止电视机前嘅观众有眼福，而系去沙滩嘅人都有！

提到节目出街时，大部分观众都系睇Kelly嘅身材多次睇节目内容，佢闻言即刻话，“唔系喇！好多人同我讲睇得好兴奋，见到我玩得好开心，佢地咁我都好满足！”至于今次到澳大利亚黄金海岸拍摄《3日2夜》时，有无好似上次去毛里裘斯咁识到当地嘅男仔，Kelly即刻好灰咁讲，“次次导演都同我讲会有好似brad pitt嘅人同我去旅行，但都系呃我，最后得返拍摄crew嘅人！”她指因为今次行程实在太赶，私底下都好攰又要玩又要食，所以无心情去识异性。

问到昨天是好姊妹蔡思贝生日，Kelly就指今个星期六会同对方补足生日，被问到会否趁机介绍男仔俾对方认识下，Kelly即刻耍手话，“佢唔洗啦！因为好多人都想识佢！”咁又系，佢地都咁靓女，想识佢地嘅人真系由电视城排到尖沙嘴呀！