【小Model．多图】官恩娜初生B女留倩影　BéBé A托头微笑劲可爱

撰文： 洪晓璇
出版：更新：
官恩娜囡囡BéBé A戴上粉红色花花头巾，嘴细细鼻尖尖，虽然阖埋眼但见到眼线极长，肯定系大眼靓B。（官恩娜Facebook）

愈来愈多香港妈妈放弃工作，全职做主妇凑小朋友，始终钱可以再揾过，但小朋友嘅成长错过一日都无得追返。好似官恩娜15年剖腹诞下囝囝Gabriel（BéBé G），今年初再诞下囡囡Aurélie（BéBé A）三年抱两。呢日仲公开一批囡囡嘅初生婴儿照，见到BéBé A阖埋眼托住头面带微笑，就好似发紧甜梦笑出嚟，好可爱呀。

自诞下BéBé G后，官恩娜一直做全职妈妈，亲力亲为凑大囝囝。（官恩娜Facebook）

Ella妈妈诞下BéBé G后，一直坚持以母乳喂哺，做足一年全职妈妈后，本来17年佢重新走入录音室，准备复出乐坛，点知好快又宣布再次怀孕而停工。凑小朋友除咗要无比耐性，最紧要就系唔好偏心，大仔有影初生BB相，自不然囡囡都要影啦﹗

Ella妈妈诞下BéBé G后，一直坚持以母乳喂哺，到BéBé A当然亦唔例外。（官恩娜Facebook）

【凑成好字】官恩娜宣布囡囡出世　Aurélie似足妈妈好标致

官恩娜半夜泵奶畀囡囡竟然倒泻晒：终于知道咩叫做欲哭无泪

图左系哥哥BéBé G，图右系妹妹BéBé A。（官恩娜Facebook）
BéBé A瞓觉托住头，挠住脚仲要右手拎住熊仔，相当可爱。（官恩娜Facebook）

BéBé A嘅呢一辑初生相片以粉红色为主调，时而托头，时而扮熊仔，仲有两张用粉红色布包起BéBé A，就好似蚕虫破茧而出一样。Ella代囡囡留言话：“Hello everyone! I’m 19days old today! （大家好，今日2月4日我19日大啦﹗）”即使瞓住觉俾摄影师舞来舞去，BéBé A都Keep住甜笑相当可爱，仲非常上镜添，睇嚟遗传到星妈嘅Model基因噃！

到底BéBé A发紧咩梦咁开心呢？（官恩娜Facebook）