【凑成好字】官恩娜宣布囡囡出世　Aurélie似足妈妈好标致

撰文： 洪晓璇
出版：更新：

中国人传统，生BB最好系一仔一女凑成好字。官恩娜2015年初同中法混血医生Juan-Domingo Maurellet拉埋天窗，婚后火速造人成功，同年年尾诞下囝囝Gabriel。呢日Ella喺网上宣布囡囡出世啦，成功达标真正做到三年抱两。BB出世重6磅7安士，Ella仲上载囡囡正面照，五官标致似足妈咪系美人胚子呀。

官恩娜产后休息几日后，上载囡囡照片宣布佢再次荣升妈咪啦。(官恩娜Facebook)

【万圣节．多图】官恩娜2岁囝扮吸血绅士劲萌　星B可爱造型大检阅

官恩娜仔仔主动要求食榴梿　一试即刻拧晒头：I don't like it

两次怀孕尾声，官恩娜都有专诚拍摄大肚孕照留念。(官恩娜Facebook)

15年2月2号，官恩娜正式成为人妻，婚后好快身份又再转变，同年10月于香港剖腹诞下囝囝Gabriel（BéBé G）。本来17年佢重新走入录音室，准备复出乐坛，点知好快又宣布再次怀孕而停工。Ella上载一张囡囡正面照，见到BB戴住粉红色冷帽睡得正甜，好乖巧地一个人瞓喺育婴床上。虽然无张开眼，但系见到眼线相当长应该系大眼BB，加上樱桃小嘴，五官标致似足妈咪系美人胚子呀。

左边系哥哥BéBé G，右边系妹妹BéBé A，大家又觉得两兄妹似唔似样呢｛(官恩娜Facebook)
官恩娜以囡囡名义留言，向大家打招呼。(官恩娜Facebook)

Ella代囡囡留言向网友们打招呼：“Hello everyone! My name is Aurélie, nice to meet you all! I arrived on the 16th of January. I am BéBé G's little sister!#BéBéA！（大家好！我个名叫做Aurélie，好高兴认识大家，我喺1月16日出世，系BéBé G嘅妹妹BéBéA）”Ella喺20号凌晨上载照片，但原来BB早喺16号出世，相信系佢地为免被追访，所以选择出院后再公布好消息。

成功三年抱两，官恩娜下次影家庭照，就变成一家四口啦，好有爱呀。(官恩娜Facebook)
+3