《孝利家民宿2》边个揹少女时代润娥咁幸福？　朴宝剑即将出场！

2月4日韩国JTBC就会正式播出《孝利家民宿2》，今季必睇当然系因为有少女时代润娥（又译：允儿）同朴宝剑出演嘅关系啦！昨日《孝利家民宿2》官方Instagram就公开咗少女时代润娥嘅预告片，可以见到佢喺大雪中扫雪，又帮手折衫同埋准备食材嘅场面，而李孝利仲大赞润娥做得好，之后两人仲一齐去玩雪橇添！

而李孝利同老公李尚顺仲好照顾少女时代润娥，特地喺大雪下帮佢整理大褛，李孝利更揹住润娥行过泥滩，夜晚又一齐食饭倾偈，十分温馨！而《孝利家民宿2》官方Instagram今日再度公开花絮照片，李孝利、李尚顺同润娥都开怀大笑，绝对令SONE（少女时代粉丝）期待《孝利家民宿2》正式播出，睇下佢哋3个会发生咩趣事。相信在《孝利家民宿2》播出前，节目组会公开埋朴宝剑嘅花絮，好期待呢！

少女时代润娥《孝利家民宿2》预告片：

（观看更多） 《尹食堂2》朴叙俊《孝利的民宿2》朴宝剑　大势美男兼职生活开始

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/