太妍@少女时代去加拿大Starbucks　遇突发事件紧急撤离？

近日韩国天团少女时代队长太妍（又译：泰妍）去加拿大旅行，仲为SONE（少女时代粉丝）自拍《Tanegoo TV》，记录太妍自己由韩国仁川机场出发，以及喺加拿大嘅日常实况，感觉几真实！

话说少女时代队长太妍喺加拿大大街行行吓仲畀SONE认出添！果然系韩流巨星！而喺最新一集嘅《Tanegoo TV》入面，太妍一早9点起身想周围行下，一个人出咗街，仲话自己冇换衫，系着返前一日套衫添！少女时代太妍本身谂住买完咖啡就会返去，所以就去咗附近嘅Starbucks，但佢竟然一睇完个menu就大吓一跳仲急急脚逃离现场？照计以太妍同少女时代嘅吸金能力，请晒成间Starbucks嘅人饮咖啡都唔使逃走啦！

少女时代太妍一路行出Starbucks仲一路话自己痴线，仲被后期消音处理添！之后，太妍就解画原来佢冇带钱出街，仲话：“我都知自己系咁㗎喇！仲话要带现金出嚟，但我就真系就咁就行咗出嚟（咩都无拎），突然之间睇完menu价格表就谂起自己冇带钱！”睇嚟少女时代太妍真系啱啱瞓醒未太清醒，不过咁样嘅太妍，先系SONE认识嘅佢啊！

少女时代太妍《Tanegoo TV》

太妍@少女时代IG直播传话　想安慰李遐怡一齐悼念钟铉@SHINee

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/