【万千星辉】汪明荃山头文化论非照稿读　曾志伟：边个敢审阿姐稿

自从汪明荃（阿姐）于无线的《万千星辉颁奖礼2017》上讲了“山头文化”论之后，即引起了不少回响，日前她与曾志伟一齐出席活动时，又再被问及有关言论，阿姐直言并非跟稿读：“我系随心讲，我喺呢间公司成五十年，呢啲系自己想讲嘅嘢。公司话多谢我。”哗，真系阿姐先做到。就连志伟都笑言就算阿姐事前有稿都无人会阻止阿姐要讲的说话：“边个敢审阅佢啲稿呀？（咁你Buy唔Buy？）佢讲嘅嘢点能够唔认同？系佢先至讲得到。因为第一，佢嘅地位，第二，佢喺无线咁多年，咁了解公司，由佢讲更加有说服力。”

阿姐话当时在台上大家有笑同拍手畀反应，事后亦有不少同事表示多谢她敢言，又指其实间间公司都有山头文化，自己所讲的并没有甚么大不了：“我觉得新管理层系有heart嘅，都想做得更加好。”点知身边的志伟竟然话：“系想将山头文化做得更好咋嘛？”真系好抵死。