【万千星辉】乐易玲话会全力捧红旗下艺人　赞陈国强系追梦舵手

无线《万千星辉颁奖礼》完结后，公司高层乐易玲就向一众艺人同事发表讲话，表示：“老板成日同艺人倾偈沟通，其实佢好明白你哋嘅心意，所以会大力咁推动我哋去制造一啲大荧光幕嘅机会畀大家，其实已经开始咗㗎喇。TVB同邵氏公司嚟紧就会开拍好多部大制作，畀我哋台前幕后嘅工作人员演员有多啲演出嘅机会。我哋会强势发展电影基金，亦会有好多部大cast嘅制作，王晶导演亦都好好，佢有揾我哋嘅演员好似袁伟豪、蔡思贝、朱晨丽、王浩信去参演佢嘅大制作。咁当然佢嘅制作仲有其他重要角色，系会慢慢揾我哋嘅演员一齐参与演出。”

乐小姐强调公司会给予大量机会予TVB艺人，决心要捧红他们，又说：“其实老板都讲过，过去有好多蜚声国际嘅大演员，大导演、大明星，我觉得系嚟紧嘅十几二十年后，香港或者系有华人嘅地方，嚟紧绝对可能系你哋各位。既然老板应承同我哋，同TVB一齐努力，亦都答应同我哋嘅艺人一齐追梦，我觉得我哋自己最紧要装备好自己，抓紧同珍惜每一个眼前嘅机会，将来你哋嘅前途系无可限量嘅。最后我借用阿姐（汪明荃）嘅一句说话‘我希望各位艺人以能够成为TVB嘅艺人而感到骄傲。我依家交返畀我哋嘅追梦舵手，老板。”说完就交个咪给陈国强。