【平安谷】陈滢第一集即被殉葬　恐怖鬼故因佢而起

上星期五台庆剧《夸世代》终于播完，几乎所有观众都俾最后一幕佘诗曼惊喜演出吓一跳。到今晚大家就要开始睇《平安谷之诡谷传说》喇，这个故事就讲述民初的女权剧集，剧中有个地方叫平安谷，他们有个传统习俗，就是如果老公去世，妻子就要一齐埋葬，重点是妻子需被活埋。剧集监制陈耀全（Andy）接受《香港01》访问时透露，“今晚首播第一场就系讲陈滢的老公去世，她需要被活埋陪葬。就系因为咁所以令到平安谷之后就有呢条乡例，继而呢条村开始就闹鬼喇。”

【平安谷】新剧下星期就出街　TVB再拍悬疑片会唔会有惊喜？
【平安谷】苏玉华最后一套TVB剧？　“我又未死，点会系最后？”

他指平安谷这条乡例都几残忍，“ 如果老公去世，上无高堂下无子女要照顾，剩下嘅妻子得一个人嘅时候，啲人就会觉得佢孤苦伶仃，唔会系呢条村维持到生计，佢就一定要陪老公去殉葬。而其他人就会帮呢个女人立一个碑，类似系忠贞烈女牌坊。”

Andy表示剧集在头10集中都会围绕住殉葬这个主题，仲要找来巴打最爱嘅陈滢客串演出寡妇一角，他表示因为之前在《全职没女》中与对方合作过，认为对方系做戏方面好有天分，所以今次特意揾佢饰演寡妇，“佢有同我讲拍呢场被活埋嘅时候，因为要在棺材同老公嘅遗体一齐被活埋，个气氛都令到个心有啲唔舒服，而且仲要得男村民系度得佢一个女仔，但效果出嚟好好，好专业咁完成。”但巴打们最担心的问题就系Jeannie系咪只有一场戏份？Andy笑言Jeannie之后会有3-4集戏份，今次因为档期问题所以未能演出整部剧集，因为她被埋葬系剧中好重要嘅主题，咁巴打们可以放心了。