【平安谷】苏玉华最后一套TVB剧？　“我又未死，点会系最后？”

自从去年5月TVB终于播返《兰花刼》之后，观众都好耐无见过苏玉华，相隔8个月，佢系TVB嘅最后一部剧集《平安谷之诡谷传说》终于下星期出街。有好多网友都话阿苏系无线难得好戏之人，但去年拍完《平安谷之诡谷传说》之后就正式离巢，观众都话唔舍得。苏玉华接受《香港01》访问时笑言，“虽然我系同TVB完约，呢套你都可以话系最后一套，但我又未死，点解会最后呢？”

【平安谷】新剧下星期就出街　TVB再拍悬疑片会唔会有惊喜？
苏玉华返无线拍剧好激情　跟张达伦私奔：有拥吻场面

虽然阿苏已经离巢，但都好识做为剧集宣传，她强调如果观众好唔舍得佢，“呢𠮶暂时最后一个机会见到我，系电视方面嘅作品。”提到剧集名叫做《平安谷之诡谷传说》，她笑说以为剧集会有续集，“因为剧名有个‘之’，咁应该系有几个系列，咁如果大家钟意嘅，都唔排除有几部。”她指到时如果再受邀演出，都好乐意再同TVB合作。

今次剧情是讲女性去抗争，希望打倒男性霸权，饰演刘江二太太嘅阿苏就话，戏入面刘江会疯狂咁打老婆，而佢都系受害者之一，“佢唔系就咁打你，甚至会踢，仲要用鞋去打我地。”阿苏透露用鞋去打妾侍系自己嘅谂法，“我𠮶阵觉得不如再衰啲，所以就同导演讲不如用鞋打女人，咁先突显到女人真系委屈，咁出嚟效果系好好，睇得出个个年代男女分别。”