倪晨曦同“南朋友”晒合照？　南柱赫告白：香港最吸引系⋯

韩星“南朋友”南柱赫今日出席D&G的香港时装活动，同场更有倪晨曦、上山诗纳女儿Hilary Fan、陈汉娜等。幸运嘅倪晨曦仲有同南柱赫合影留念添，不过倪晨曦就话：“我比较少留意韩国潮流，但知道南柱赫系韩流大热明星，同到佢影相好开心，但就有啲担心南柱赫嘅女粉丝会唔钟意我！”其实影张相，倪晨曦又唔使咁惊，除非俾人见到佢哋同场睇NBA先惊都未迟！

摄影：张颖伦

而南柱赫接受香港媒体访问时，就问到嚟香港想食啲咩时？南柱赫就话：“其实我喺韩国都成日食，我好钟意食点心，尤其系烧卖！”当问到想同边位香港艺人合作时，南柱赫就自爆最钟意睇《无间道》，如果有机会仲好想同刘德华合作，又话刘德华系佢好尊敬嘅偶像添！之后再问到南柱赫平时有咩穿搭技巧时？南柱赫表示自己喺衣着方面钟意比较causal同舒服嘅打扮，所以会多着运动风，冇咩特别嘅打扮技巧。

最后，相信香港粉丝们都好想知南柱赫喺啱啱过咗嘅圣诞节点样过？唔知好彩定唔好彩，南柱赫就话自己圣诞节同新年都系工作中渡过。而2018年嘅新年同圣诞愿望一直都系𠮶个，就系想多啲同粉丝见面接触，咁贴心嘅暖男真系叫粉丝点可以唔爱呢位“南朋友”啊？

（观看更多） 高手申世景《黑骑士》带金来沅食面 《河伯的新娘》南柱赫都吃过?

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/