南柱赫D&G活动袭香港　上次MAMA同志洙四围玩！

撰文： 沈洛嘉
出版：更新：

“南朋友”南柱赫同李圣经呢对YG小情侣，拍拖9个月不敌行程繁忙疏于见面，最终分手收场，只留下《举重妖精金福珠》呢套超甜遗作畀俊亨同福珠嘅粉丝。而做返大家南朋友嘅南柱赫，今日仲嚟咗香港同大家见面！

摄影：张颖伦

南柱赫一现身D&G活动，现场的香港粉丝即时尖叫欢迎，更有用韩文大叫“多谢你嚟”同“你好靓仔”等！

其实南柱赫昨日已经嚟咗香港，准备出席今日喺海港城举办嘅D&G活动，前嚟支持南柱赫嘅粉丝更企满两层楼！而南柱赫现身时都企足分几钟畀传媒朋友影相，不时又望上2楼同香港粉丝挥手打招呼，好识照顾fans啊！

南柱赫用广东话同香港粉丝打招呼时好畀心机，都讲得几正㗎！
+15

而南柱赫接受香港媒体访问时，就先用广东话同大家打招呼：“大家好，我系南柱赫！”又讲到上次嚟香港其实系去年12月MAMA颁奖礼时，唔系隔咗好耐就可以再嚟同大家见面真系好开心！今次系第一次参与香港品牌活动，每次嚟亲都觉得香港嘅街道同夜景好靓，睇嚟南柱赫上次MAMA颁奖礼，真系同至亲志洙去咗唔少地方玩㖞！

南柱赫不时向商场2楼粉丝挥手，贴心照顾苦候多时嘅香港粉丝。
志洙当时就喺自己Instagram上传咗3张同南柱赫喺香港嘅合照。（网上图片）

【MAMA香港】Super Junior D.O.@EXO同行　南柱赫志洙到港

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

[韩乐园]AKMU乐童音乐家李灿赫宣布入伍　李圣经南柱赫演MV最回味《河伯的新娘》南柱赫申世景真系咁幸福？　大结局背后有隐忧《举重妖精金福珠》南柱赫李圣经又系因为忙　YG小情侣真的分手了