【除夕倒数】成勋抱谭嘉仪揽足10秒 为粉丝除褛掟海报上3楼
喺迎接2018之前，成勋带埋佢两位未出道师弟作为佢嘅dancer现身，仲送咗两首歌畀粉丝。其中一首仲系《焦急的罗曼史》嘅OST《You AreThe World Of Me》，更加唔系斋企献唱，有埋编舞同dancer，诚意十足！唱完歌之后MC就问返成勋觉得香港粉丝系点样？成勋竟然回应：“我觉得香港粉丝比想象中怕羞，韩国粉丝就掉返转，比较主动同埋会冲过嚟。”而问到成勋首次来港有咩感受时，他说：“其实我平时都系喺屋企静静地咁倒数，今次系第一次同咁多人一齐倒数，觉得好开心。”成勋又大赞王君馨、岑丽香同朱千雪好女神、好靓女、而在坐嘅粉丝都一样咁靓。
既是主持又系表演嘉宾嘅谭嘉仪见到成勋就似乎晕晒大浪，好想同成勋做朋友联络下，又话自己单身，成勋都好大方咁话：“无男朋友嘅话可以联络下，之前有同过香港或者内地演员合作，但都只系男性，第一次咁近同香港女演员见面。”而系主持助攻之下，提议成勋同谭嘉仪都一齐摆一个甫士合影，成勋就揽咗谭嘉仪足足10秒有多，唔知佢哋最后喺后台有无交换电话呢？
倒数前成勋就先祝大家事事顺利，嚟紧2018年会开开心心，无论大事小事都可以过得快乐，而佢自己作为演员就会拍更多好戏畀大家。最后成勋就成为咗一众女星嘅集邮目标，尤其是张秀文影完之后仲开心到跳下跳下，成勋oppa嘅威力真系好大啊！活动完结前成勋就送签名poster畀现场粉丝，他为咗照顾埋3楼嘅粉丝，特登除咗西装褛好似掟标枪咁掟啲poster上去，可惜掟咗3次都系差少少跌返落嚟，成勋都觉得好可惜啊。
【2018除夕倒数】成勋首次袭港陪粉丝 同王君馨超近距离对望
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/