【Do姐再Shopping】陆永手绘瓷器惨遭Do姐反击：画到一pat 茄咁！
撰文： 温菁莉
出版：更新：
《Do姐再Shopping》上星期首周播出，好快就已经被网友热烈讨论，Do姐同两只“卡啦苏”农夫同黄翠如去完日本之后，昨晚就去到新一站丹麦，仲有今届视帝热门人选马国明同行。其实马明在前年的《Do姐去shopping》已经有陪佢地去英国旅行，当时马明都好乖仔，仲氹得Do姐好开心！当然要讲转数，马明一定唔够农夫快，但就做足功课背得出每个景点嘅资料，获do姐激赞，看来她都好钟意呢种“天然呆”。但大家睇咗咁多集，知唔知《Do姐再Shopping》有咩指定动作呢？就系“介绍，指同入去”，被陆永称为做“Do姐三宝”！
+3
【Do姐再Shopping：有片】删剪朱古力篇 翠如BB试食尽显婆仔性格【Do姐再Shopping】日本篇懒人包 农夫精华笑位尽收录【Do姐再Shopping．有片】爆笑删剪片段 陆永为“超贵”蜜瓜平反
但成个过程中，一定要系马明一粒声都无出过，全程都十分专心地画画，大部分时间在适当嘅时候笑下咁，尤其是农夫被Do姐狙击同埋农夫搞烂gag嘅时候，例如Do姐探访一间面积只有156平方尺的美容店，马明就指店铺好似骰子，仲被Do姐大赞好聪明！点知C君又加把口，“我都好似骰咁，长宽高都一样！”但他呢番自嘲就被Do姐话，“但你唔可爱呀嘛，系咪先！”马明系旁边又系得个笑。基本上马明系节目中嘅角色就系负责“陪笑”。唔少网友都话“马明唔识串返农夫好好笑”、“马明真心天然呆”。可以有留言话有啲挂住上篇去嘅黄翠如，觉得佢地先有火花，但其实马明就系因为有种天然呆嘅特质先令到咁多fans钟意咋嘛。