【Do姐再Shopping．有片】爆笑删剪片段　陆永为“超贵”蜜瓜平反

大家有冇睇昨晚的《Do姐再shopping》？当中讲到几位去市场竞投蜜瓜，当时陆永以8,000日圆投得的蜜瓜，已经被Do姐闹嫌贵，但原来事件未完。无线在官方facebook专页仲上载了一段电视未曝光的片段：蜜瓜篇，网民睇完都纷纷留言话笑死了，仲好笑过出街的集数，话唔明点解咁好笑都唔播出街。而片中的Do姐 (郑裕玲)、陆永、C君以及翠如BB (黄翠如) 都笑到不行了，究竟呢段无播出街的片有几搞笑呢？一齐睇下啦。

片段背景是讲述他们几个在日本经过一轮紧张刺激的夕张蜜瓜拍卖后，就准备试食以8,000日圆投得的战利品：两个夕张蜜瓜最高级别的“特秀”蜜瓜。负责出价投得蜜瓜的陆永好开心：“我喺街见到卖万几Yen一个㗎，依家我投到8000 Yen两个呀，抵呀！”不过Do姐却不停在质疑和怪责陆永为甚么要用8000日圆咁贵来投这两个蜜瓜：“明明人哋出到3,000，你就一嗌嗌8,000！你败家呀！”令陆永很不服气，反驳Do姐说：“你系要我嗌8,000，跟住有人嗌9,000喇，我再用一万Yen投到你就话抵嘅，依家我用8,000Yen投到你就唔开心。”各人互相争拗，但Do姐坚持是陆永不对，最后陆永唯有乖乖就范。

之后Do姐讲话要去附近的富良野试当地的蜜瓜，她一讲完富良野3个字，陆永即说：“我唔食凉嘢㗎！”令Do姐、翠如BB和C君都忍不住爆笑，C君搭嘴话：“佢怕凉呀！”跟住Do姐就话：“怕凉就唔好食呢个啦！”三个的对话劲搞笑。翠如BB问陆永系咪串Do姐，Do姐话：“一阵间会体罚佢㗎喇！”C君便问Do姐：“你体罚唔系谂住锡佢吖嘛？”Do姐即答：“梗系唔会啦。”众人笑到拍台兼讲唔到嘢。最后C君仲要补多句话陆永：“呢个罚你惨呀！”真系笑死。