【Do姐再Shopping：有片】删剪朱古力篇　翠如BB试食尽显婆仔性格

由郑裕玲（Do姐）、“农夫”陆永和C君这个铁三角孭飞，仲有翠如BB（黄翠如）一齐主持的《Do姐再Shopping》已经播出了5集，真系集集都有笑位㗎。而TVB官方Facebook网页日前就上载了一段电视无曝光的“蜜瓜篇”短片，比播出街的内容更爆笑，很多网民都留言话笑死了。昨日TVB又再公开了另一段未曝光的“朱古力篇”，讲他们一行人在北海道小樽的手信街shopping，于一间朱古力店内疯狂试食。

相信大家有去过日本旅行都会知道，日本商店在供客人试食方面真系超级大方，如果是细size的食物，好多时都会原件咁样给客人试食，就算要切开的食物都会切得好大件，所以在日本试食确是好开心又满足的。而当Do姐一见到前面那间朱古力店门口已经有得试食，就即刻话：“啱你呀，黄翠如。成粒成粒㗎。”明显知道翠如BB钟意试食，翠如BB亦好老实不客气，食足3粒，仲叫大家唔食就让给她。C君即讲笑叫她：“你成盘拎走吖嘛。”陆永又笑她：“你无大志呀。”

他们入到朱古力店继续试，每当他们睇中那些朱古力，都会咁啱有店员拿出来给他们试食，次次都一大块一大粒咁，任他们慢慢品尝。最后他们想试食一款朱古力，扮晒嘢讲：“唔知有无得试食呢？”却竟然没有店员出现，但同一句对白由Do姐一讲再加个手势，就即刻有人拿着一大碟出来给他们，令C君一脸不爽地说：“玩针对嘅！”陆永就话Do姐：“你啲人嚟㗎？你畀钱请返嚟嘅！”好抵死。而他们试食完都好识做，由Do姐做老细话每样买10盒，C君又爆seed话：“多谢Do姐，折现吖嘛。”