IU请方大同做嘉宾再唱《囍帖街》为港迷改编广东话《夜信》

IU香港演唱会年年都有惊喜，今年就请到方大同做嘉宾，同IU用韩文合唱《Can't Love You Anymore 》，由方大同唱本身由hyukoh吴赫唱的部分。见IU同方大同夹得咁好，可能因为方大同以前都有同Zion. T合唱《味道》，所以对韩文都不太陌生。

方大同一唱完歌就话自己有买IU只CD，又话要尽地主之谊去请IU食菠萝包，但IU搞笑地以为方大同开菠萝包店，令方大同即时否认，引起全场大笑。其实IU啲广东话一直都好好，更不停话“我好幸福”、“开心吗？我都好开心。”、“点算呀”，不过讲得最多嘅一定系“饮淡水先”。

IU李知恩为左香港UAENA仲破例去唱《Good Day》嘅三段高音，令一众UAENA都十分惊喜。但IU唱《LEON》嘅时候唔知系咪太投入，唔小心跳甩咪，所以首歌大部份时间都同个咪set格斗中。不过好在IU够专业，远睇完全唔觉，最后系两个Dancers帮手下大功告成，整返好。去到后段，IU仲要落台同粉丝近距离互动，走晒全场仲送啲波俾台下嘅UAENA，真系好。虽然粒波系记者身边，同记者擦身而过，但可以近距离见到IU已经好幸福了！

IU系安歌部份再次挑战唱广东话，一开始就为香港UAENA专门把《Through the Night》改编为广东话词，用广东话去唱，真系好劲。点知原来未完，IU询众要求之下事隔2年再次唱出谢安琪嘅《囍帖街》，真系诚意十足架！最后演唱会足足3个几钟到11点15分先完，希望IU快啲再到香港见UAENA啦！