IU记者会爆减肥秘诀：饭可以唔食！　约香港Uaena去济州岛相遇

韩国国民妹妹IU（李知恩）今日来到香港，为她明天的《2017 IU Tour Concert "Palette" in Hong Kong》开记者会。IU同现场Uaena（又称：U-ana）（IU粉丝）打过招呼过后，再接受香港记者提问，有人问到IU系一位“万能idol”，又会唱歌、拍剧、上综艺等！问到近期工作时，IU就表示：“最近同李善均前辈一齐拍新剧感到好光荣，而且导演、前辈们以及其他工作人员都好热情，用一颗好温暖嘅心对待我，我都会努力做好呢个角色。”

摄影：黄国立

除咗韩剧剧之外，问到IU仲会唔会考虑出演类似《孝利的民宿》嘅综艺，IU就话：“目前为止都仲未有计划，如果有其他机会我都会努力出演，希望可以畀Uaena见到我真实既一面。”

大家都知IU同韩国天后李孝利形同亲姊妹，原来IU同李孝利仲有佢老公李尚顺有个聊天群组，连IU自己都未提起演唱会，李孝利就已经率先喺群组到同佢打气讲“Fighting”！IU又透露自己因为李孝利都去咗济州岛，休息个阵都有去过，真系完全爱上呢个地方！IU仲叫Uaena有机会嘅话点都要去一次，一定会被济州岛嘅美景吸引住，话唔定仲会撞到佢添㖞！另外，唔少人都知IU好钟意食朱古力，更试过因为要减肥，宁愿唔食饭都要食朱古力！记者今日见到IU仲咁fit，呢招可能work㖞！

2018年就系IU出道10周年，问到有咩未来计划时？IU就回应：“宜家就拍紧电视剧，亦有为10周年作特别准备，想表现更多更好嘅样貌俾大家睇！”之后，IU仲讲到只要香港Uaena愿意同有机会嘅话，都希望可以喺香港拍剧或者电影，希望有一日可以达成呢个梦想。IU更用广东话问香港Uaena：“你哋愿唔愿意啊？”Uaena当然大嗌愿意啦！更希望IU可以长留喺香港添啦！同时都希望IU今晚在香港可以好好休息，最后全场Uaena仲趁IU临走前一齐大叫：“Fighting！”为佢加油打气，而好识氹Uaena嘅IU即用广东话回应：“加油！听日见！”暖心到呢！

IU香港记者会可爱广东话：好挂住大家！　预告concert神秘嘉宾

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/