【TVB台庆50周年】高海宁称封胸唔关禁色令：吓吓攞出嚟我都厌

一年一度的TVB台庆又到啦，今年更加是TVB 50岁，著得靓一靓贺台庆是常识吧。有鉴于之前乐易玲发出的“禁色令”，所以今年台庆都有不少艺员乖乖地“收返起个胸”，连一向性感开嘅高海宁都密实地出席。不过高海宁话有“收起性感”呢个主意已经好耐。

“件衫系stylist今朝先俾我试，不过我有一个要求就系所有衫都唔要性感，你见我之前节目巡礼都系著西装。我唔系太想好似以前咁。其实我性格好男仔头，我想做返自己，舒服啲。”

即系高海宁以前的性感形象是违背自己的意思和不舒服？高海宁回答说：“梗系啦，你试下著到好性感企定定咁影相。我而家行路又快又轻松，仲点行都得。（旅游节目呢？）你睇我在《森美旅行团》有冇性感过？我浸温泉嘅时候一条‘线头’（事业线）都冇俾你睇过。”

高海宁更表示以后会改变性感形象。“我以后唔会再性感，有啲嘢唔使下下攞出嚟，你唔厌我都厌啦。但系我唔会封晒自己条路，不过so far我不会太性感。（连自己Facebook、Instagran都冇？）唔会有㗎啦，你识我咁耐都知我唔会post性感相。”睇嚟以后就真系“往事只能回味”啦，想睇就净系可以揾旧相旧片啦。