【TVB台庆50周年】蔡思贝拜神素颜样见真章　零化妆成全场最靓

无线今晚将会举行《万千星辉贺台庆》贺50岁生日，今日中午当然要来个拜神仪式祈求一切顺利，最好收视报捷添啦。咁重要的拜神仪式即使未算系全台总动员出席，但都有大部分的艺人出席到，包括有蔡思贝、冯盈盈、陈凯琳、黄心颖、洪永城以及萧正楠等。拜神仪式于下午一时许进行，唔算好早，不过有不少艺人个样都好似刚刚瞓醒咁。女艺人亦都无咩特别打扮到好靓，多数都是薄施脂粉，又或是戴副太阳眼镜就算。而在一众花旦中，蔡思贝就最勇敢，竟然素颜上阵！

素颜就最见真章喇，蔡思贝今次够胆素颜示人，唔单止无吓亲人，反而仲突显了她好pure好true的一面，皮肤又好，直情觉得她是全场最靓的一位添呀！再加上她的贴身黑色连身迷你裙，尽骚她的S形线条美，再露少少长腿，索呀，扎马尾戴眼镜仲加添几分亲切感兼萌萌的，完全是好Girlfriendable呀！

电话访问了思贝点解咁勇敢素颜，仲要有咁多花旦姐仔小花同场，唔惊给比下去咩？思贝表示：“其实我都系谂住诚心希望今晚大家good show，50周年大骚顺顺利利，无谂突唔突出，好好地彩排完先化妆整头。”不过她就无咩独门护肤心得：“都系好基本𠮶啲，饮水做运动食得健康啲，落妆落得干净啲。”基本功做得好真系好紧要㗎。同场的麦美恩其实也是素颜现身，可是她的脸就有些油光。男艺人就全部都素颜，当中袁伟豪依然咁靓仔，但最估唔到罗乐林都keep得好好。