【降魔的．专访】马国明认拖黄心颖：我哋无讲啫，其实大家都明

《降魔的》里面，马国明饰演的马季苦恋庄芷若（黄智雯），芷若一直向郭展明（黄子恒）靠拢，令到马季相当沮丧。不过现实中马明当然是春风得意喇，今年他被拍得跟黄心颖行街而传出恋情，之后两人在公开活动回答问题时亦表现暧昧，令不少人觉得他们已经在发展地下情，不过其实这段恋情已经浮面。

为什么他们两个一直都没有一个明确的答案去确定对方的新闻呢？其实是有共识的，马明在接受《香港01》访问时表示，除非有一个重要的决定，否则都不太想将自己的恋情向公众交代，他说：“（同心颖）Ok嘅，发展无乜大问题。其实无话名唔名份呢个问题，心颖好似喺其他访问都讲过唔会刻意讲，如果再讲就结婚架喇。而且我哋无讲啫，但系其实大家都明架喇，有时我哋出去睇戏食饭，我哋都系任记者影相，或者有路人影我哋都无所谓嘅，呢方面我哋都几公开架喇。我哋觉得无必要吓吓讲，如果乜都讲就会好烦，啫系唔会同人讲我哋已经拖咗手喇、我哋钖过喇、今晚佢上我屋企睇波、今晚我上佢屋企庆祝，无呢个需要去交代，始终拍拖系两个人嘅事，我哋相处得舒服就够喇。”

不过并不是话全部都收收埋埋，总有些事情会出来交代，到时大家可能就会知道，他说：“总之如果如果有朝一日系啱嘅，例如我哋结婚，我会同大家讲，分手都会话俾大家听嘅，如果有一日佢揾到第二个男仔，我都会话俾大家听。（啫系我哋只会听到唔系结就分？）哈哈，除非有啲好大件事，如果唔系都无咩需要吓吓回应，我同佢都觉得大家留意返我哋工作，唔系好想将拍拖摆喺咀边。”的确，两个人的事其实没有大必要跟大家交代，大家还是给他们多点空间。

马明绝对是一个好老公，因为他所以事都会将家人在放第一位，而自己亦是“悭家益家人”，他表示自己不是豪洗的人，但用在家人身上一定不会悭，他表示：“人梗有地方你会使钱，无可能样样嘢都唔使，揾钱揾得咁辛苦，你紧会喺一啲自己钟意嘅地方使钱。如果你问我，衣、食我都系使得好普通，我踢波同啲朋友都系茶餐厅碟头饭。但系住我就好舍得使，我会用储多啲钱去买间大啲嘅屋俾屋企人住”看来而家要再储定一笔钱，将来结婚再买一间大屋了。

想知马国明爆大陆拍戏的秘密，留意下集。