【夸世代】李佳芯两套剧成视后大热　年尾颁奖礼再下一城？

今年第四套台庆剧《夸世代》今晚终于跟大家见面，全剧50集，汇聚TVB一众花旦小生（不少人客串演出），卡士阵容随时跟台庆有得比！如此重本的剧集，在年尾的颁奖礼通常都会成为大赢家，而作为剧中的第二女主角，刚刚在“星和无线电视大奖”勇夺视后的李佳芯（Ali），究竟能否凭此剧再在年尾夺得香港的视后呢？

今年视后暂时的人选，有同剧的田蕊妮，还有胡定欣、黄翠如、宣萱，看下去大家都势均力敌，没有一个特别跑出，但Ali已经在星和先拔头筹，绝对可以说是稍微倾先，而且今年有两套红剧，《踩过界》和《夸世代》，比起其他女星都更有筹码，她有信心在年尾再下一城吗？Ali在接受《香港01》访问时说：“其实本身都无谂过会拎到星和视后，当然亦都好开心，新加坡嘅观众好钟意Never呢个角色而令到我拎到奖。我真系唔清楚香港观众嘅口味，唔知佢哋钟唔钟意呢个角色，奖项都系平常心喇，因为太多因素会影响喇，又要睇对手，又要睇公司安排，所以唔谂喇，对我嚟讲拎咗星和已经系一个好大好大嘅鼓励。（香港观众最钟意你俾鹫哥闹𠮶幕㖞？）竟然系鹫哥𠮶幕？因为对手好啰，所以有时角色定位真系好重要，喺《巨轮II》入面我只系小角色，戏份亦都唔多，但就系因为有个好对手，同埋设计到一场好嘅戏，而令到观众印象好深。呢啲都系我哋演员要做嘅嘢，做好每一场戏，但个结果出到嚟系点真系估唔到，呢个就系一个好好嘅例于，我都估唔到呢一幕喺观众眼中系咁深刻，一定要多谢鹫哥，同埋每一个编剧。”

Ali给人的感觉是，永远带着一点性感，无论在《踩过界》，抑或早前的《与谍同谋》和《律政强人》都令人眼前一亮，不过她早就说过自己其实不太喜欢，奈何观众们受落，她说：“我希望观众可以见到多啲唔同嘅我，之前可能我都系比较多做小三，观众觉得我行出嚟就系要好sexy、好贴身。今次呢套剧（《夸世代》）又系另一个我，我觉得Paris呢个角色系一个死𡃁妹，系一个好大胆，咩都敢做而且好直接嘅人。今次都会有性感场面，因为Paris呢个人行出嚟一定要靓同浮夸，不过呢种性感同Never（《踩过界》）又唔一样，会系比较活力青春，短裙长靴𠮶种性感。”今次在《夸世代》，Ali和陈豪会饰演一对欢喜怨家，会出现又打又摸的情节，慢慢产生感情，不过中间又会出现不少的第三者，例如森美和张继聪。

大家都知道，Ali早前才接受完子宫囊肿切除手术，好快就要出席TVB的宣传活动，身体顶得顺吗？她说：“做完手术10日左右，其实都OK，系个人会比较容易累，但系一般简单宣传工作都做到，但都尽量避免去著高踭鞋。之后定期都要覆诊，早几日我去咗洗伤口，之后都要返去睇个情况。其实发生呢件事都好，提醒我女性真系要做好身体检查，定期去做妇科检查，因为我有咗呢个瘤之后，发现系好普遍嘅女性病，身边都唔少女性朋友试过。我都算系好突发，发现𠮶阵已经有10 cm大，到真系做手术都已经超过10 cm，佢变大嘅速度好快，加上我好痛，所以要即时做呢个手术。多啲留意自己啰，爱锡自己，我都觉得好好彩，今次系良性嘅瘤，入面好多都系水，唔影响我生育𠮶啲。做完呢个手术我好感恩，可能我平时比较自闭，无乜主动揾人，但原来身边都好多人锡我、关心我，仲主动煲汤俾我，多谢大家。”虽然工作诚意十足，但真是要多点休息，不过年尾又要争视后，的确要谷一谷人气，希望Ali的辛苦会有回报喇！