杜汶泽不满DJ重提刘德华恩怨　向商台开火：你估我咩都要答你咩？

杜汶泽出晒名敢言，今日Facebook佢又开腔喇，事缘佢早前上咗商业电台录访问，相信当时嘅主持人问咗一啲极久年代之前嘅问题，就系例如阿泽口中所说嘅“究竟你同刘德华吴君如唔啱，系咪真咖？”立即就惹来阿泽嘅不满，事关呢件事真系好耐以前嘅事，当年传出因为阿泽口不择言而得罪华仔，令到本来十分好朋友的他们决裂，仲将阿泽赶出当年租给他的加多利山布力架街豪宅，不过之后阿泽出席刘德华的演唱会做嘉宾时已经澄清过，证明大家系无事嘅。主持人无喇喇又走去旧事重提，难怪阿泽会咁嬲喇。

至于吴君如，当年佢哋两个人做商台的《哗哗哗打到黎》就最好朋友，阿泽结婚时君如都有去伴娘，刘德华就做伴郎。不过当时就有传阿泽喺背后话君如生仔无屎忽而反面，不过其实都无证实过真伪，而阿泽亦公开否认不和。今次当事人选择唔答呢啲问题，仲话自己唔会因为套戏要宣传所以就乜都要答你。众所周知，阿泽虽然好敢言，不过而家个人都好有原则，的确唔会靠呢啲嘢去做宣传。好多人都估究竟今次系边个DJ呢？好多人就估系节目《一圈圈》入面嘅梁泰来或者阮兆祥，不过暂时都未有答案，但阿泽无因为商台而俾面佢，仲话：“莫讲话你个台家阵少人听吖，多人听我都未惊你呢！”希望阿泽出咗啖气会无咁嬲喇！