【使徒行者2】最终卧底李焯宁系前御用丫鬟　转职做OL网友叹浪费

《使徒行者2》入面最后一个卧底终于自揭身份，虽然大家一早都已经估到，不过就未必估到梁斯敏（李焯宁饰）原来身份咁复杂。首先她以跨国洗黑钱集团成员的身份出现，之后原来系魏德信（陈豪饰）派佢入去做卧底，但昨日又讲到去原来系黎Sir（张兆辉饰）派去魏德信身边嘅卧底，几重身份真系好混乱。不过见佢临尾俾速龙（杨潮凯饰）拎住枪指住，同埋自己又末期癌症，相信佢好快都会死喇。

先唔理佢个角色有咩下场，好多网民喺佢出场之后就话佢好索，系剧中紧次Madam Cheung（蒋祖曼饰）的第二号索女，比起三位名气较高的宣萱、黄翠如和麦明诗都更抢镜，实在令人意想不到。其实如果各位观众有留意开TVB，相信唔难发现李焯宁(Karen)其实以前一直做一些跑龙套的角色，当年更是TVB的御用丫鬟。Karen在2000年毕业于无线电视艺员训练班，但系一直只是在公司浮浮沉沉，挨咗12年便毅然离开TVB，之后去过港视，拍过电影，试过读书，做过marketing，直到《使徒行者2》大家先记得原来佢仲喺度。已经37岁的她其实完全睇唔出佢个年龄，依然保持得好好，剩系睇网民嘅反应就知道，相信如果佢想继续幕前演出，一定会有返一班粉丝支持。