【使徒行者2】速龙卧底身份好古怪　三大原因睇穿佢根本唔系警察

《使徒行者2》真亦假时假亦真，有好多时编剧都故弄玄虚，你以为𠮶个人死咗，点知原来无死，你以为唔会死嘅人，转𠮶头就死晒。想讲嘅系剧入面的速龙（杨潮凯饰），剧集一开始作为卓Sir(苗侨伟饰)的卧底，同其余的伙记在泰国潜伏捉大鳄，点知在成功在望之际就五个人一齐被炸死，出场一阵就完场。但最近几集速龙又出返嚟，变成警方嘅线人，当卓Sir发现佢嘅时候，再解释一轮然后加入民间刑事情报科。

以下内容有少量剧透，逃生门在此。

大家都觉得十分奇怪，点解当初喺泰国嘅四个卧底竟然全部死晒，但速龙就免受其害呢？而剧中提及他的妈妈，一直都强调自己个仔系古惑仔，即使卓Sir讲到几咁明显话速龙系卧底，佢都系唔相信。至今日(20日)呢集，乐少(周柏豪饰)因为其处境而被卓Sir安排在安全屋，几个民间刑事情报科嘅人负责保护佢安全，照道理地点咁神秘应该好安全，点知魏德信(陈豪饰)嘅手下竟然揾到佢藏身地点。显示而见，系民间刑事情报科有人通风报信，速龙系最大机会嘅人，一来因为他是新加入，之前一直都平安无事的，二来正如上文提及，他的身份一直十分可疑，如果他是潜伏在卓Sir身边的卧底，即是他的身份是卧底再卧底，呢种玩法对TVB嚟讲真系好新颖。