跟住GOT7游香港！　《You Are》MV取景地远到去西贡四叠潭

撰文： 邓乐宜
出版：更新：
Jackson返嚟老家香港拍摄，系特别有feel嘅！（网上截图）
有谦同荣宰去到中环街头拍摄，有粉丝话入镜嘅伯伯系“前世救咗世界”，先会有同框嘅福利，不过伯伯就似乎唔多在意喇。（网上截图）

想跟住韩星朝圣嘅粉丝，今次唔使去咁远喇！因为GOT7最近嚟咗香港，为第7张迷你专辑《7 for 7》主打歌《You Are》拍MV，昨晚GOT7公开了两段预告，当中就见到GOT7走篇港九新界拍摄，唔单止有经典嘅海旁夜景、霓虹灯街景，连行山客热爱嘅石涧美景都拍埋，成件事真系好香港！以下呢五个GOT7 MV拍摄地，身为香港人嘅大家又去过未呢？

（观看更多）

【GOT7香港见面会】挑战陈奕迅《浮夸》　Jackson自嘲得1米74

　　　　　　1. 乐华南邨停车场天台　　　　　　

乐华南邨停车场天台嘅圈中圈墙，系大家影“呃like相”嘅好地方！（网上截图）

昨晚公开嘅预告入面，开场就见到一列绿色的水泥墙建筑，圈中有圈超有空间感！其实呢度系牛头角乐华南邨停车场天台，唔少摄影爱好者都好钟意去取景，不过如果大家去到睇实境的话，墙身颜色并不像GOT7 MV入面的薄荷绿，而是淡淡的蓝色。

　　　　　　　2. 励德邨圆形大厦　　　　　　　

这一幕有谦是在励德邨圆形大厦拍摄的。（网上截图）

呢个场景大家应该见过！《You Are》预告片段中有谦拎住颈链碎片，站在圆筒形建筑物向上望，有啲迷幻又有啲压迫嘅感觉，呢度就系湾仔大坑嘅励德邨，圆柱体大厦嘅建筑喺香港好少见，励德邨亦系香港唯一圆筒形廉租屋大厦，好多广告、剧集都喺度取过景，连电影《攻壳机动队》都去过拍摄！

呢几楝圆形公屋，系唔少电影、剧集以至广告嘅拍摄地。（Google Map截图）

　　　　　　　3. 尖沙咀文化中心　　　　　　　

尖沙咀文化中心其实都好靓，只不过平日冇乜可能影到冇人嘅景。（网上截图）

BamBam呢一幕唔使多讲，尖沙咀文化中心大家一定认得，当日GOT 7去呢度拍摄嘅时候，就已经有一班粉丝成功“捕获”偶像，成员们又去到尖沙咀海旁取景，MV预告入面就有唔少维港夜景嘅镜头！

嚟尖沙咀拍摄一定唔少得嘅维港夜景，GOT7都有喺度取景！（网上截图）

　　　　　　　　4. 西贡四叠潭　　　　　　　　

MV拍得四叠潭景色嘅好靓，但普通市民喺冇安全措施下跳水，就有啲危险喇！（网上截图）

《You Are》预告入面仲有呢一幕嘅跳潭片段，虽然片段入面睇唔清楚，但从红色发色估计可能系Mark，系真身又好替身又好啦，从十米高嘅悬崖跳潭望落真系有啲牙烟！而呢度就系西贡四叠潭，平时都有唔少市民嚟到消暑，不过其实近年以来四叠潭发生过唔少跳水意外，都有人因为跳潭而遇溺身亡，潭边其实仲立有“请勿戏水”嘅告示牌，如果粉丝想去朝圣，记住净系欣赏靓景就好，唔好冒险跳水呀！

四叠潭平日都吸引唔少市民去游玩消暑。（Google Map截图）

　　　　　　5. 佐敦白加士街　　　　　　　

我哋几乎日日都走过差唔多样嘅香港街道，不过系Mark同BamBam行得特别有型啫！（网上截图）

香港嘅霓虹灯一向都系游客影相嘅checkpoint，Mark同BamBam喺《You Are》MV中就好有型咁肩并肩走过佐敦白加士街，望到两旁嘅店舖名，大家系咪都好有亲切感呢！

佐敦白加士街实景。（Google Map截图）

更多《You Are》MV图片：

+13

（观看更多）

【韩讲堂】跟少女时代、TWICE、GOT7一起吃饭吧 记者韩国亲身试

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

《一周偶像》BamBam@Got7祝贺变倒米 Jackson向Highlight放狠话？GOT7 Jackson宣布停止日本活动　专注内地发展帮唱《中国有嘻哈》Jackson@GOT7中国solo出道　《Papillon》MV五星旗穿上身很爱国！