【专访】黄心美提起前夫 “好似有条疤痕咁，呢一世都唔会平。”
“我宜家平均一个月揾30万。”黄心美说。“结婚冇人会谂离婚。”5年婚姻，不算长，也不算短，问起原因时，心美只是简单一句：“因为过咗我嘅底线”作为解释。问起她对这段婚姻的感觉，心美有一个很浪漫的答案，“伤过之后好似有条疤痕咁，呢一世都唔会平。”做女强人唔易，尤其是在华人社会，女人揾钱多过男人本身就系一条死罪。正如上一篇黄心美的专访说到，她是“女人外表，男人内在”。到底原因是不是因为她太强势呢？其实只有她们俩人知道。一个在台湾工作，一个在香港发展拼搏，差距可能不止是钱银上的问题。又或者只是如心美所说：“wrong person at the wrong time”。
“我唔系好适合喺TVB做。我觉得同好多部门打交道，人多是非多。”问起黄心美为甚么不过档TVB拍剧时，她解释道。“大家唔好再一厢情愿，首先𠮶边冇offer我，自己都觉得宣家好舒服。你话会唔会更加好呢?我已经每日对住个妹一齐生活，系咪要连返工都一齐对住呢，亦都唔系好事。”外人看起来，黄心美与黄心颖两姐妹，一个在ViuTV/NowTV，一个在TVB发展，所以很易就会联想到这个问题。一屋人4姐妹中，黄心美(Scalett)是大家姐，心颖BB排行最小，而她们又先后加入娱乐圈。样子，事业，感情生活甚至身材也时常给人比较(最近网民又倾向心美多于心颖)。尤是最近姐姐黄心美的ViuTV节目《暗中旅行2》热播当中，而黄心颖的《杂警奇兵》又在播放。妹妹黄心颖的人气就不需多说，有名你叫“心颖BB”，而姐姐黄心美近几年亦确实人气急升。
“我反而仲多谢我阿妹添。譬如近呢2年越嚟越好，其实我阿妹帮咗我好多。因为我阿妹，多咗人知我系边个，或者宜家越嚟越多姊妹档，有啲咩唔好呢？我唔会介意话风头被抢，我哋姊妹嚟㗎，点样都会想佢好㗎嘛。又唔可以好过妳咩？唔会㗎。有咩问题吖我想问。”原来报章杂志或者街外人的观点都是错的，还十分肤浅。放心，佢哋2姐妹冇不和，只系个际遇唔同，各为其主其实都冇咩问题。“一来友台冇揾我拍剧，二来只系你哋一厢情愿觉得大台好啲。其实系咪好，就未必啰。即系因为𠮶边竞争大，可能发展冇宜家咁好。另外就系真心，既然宜家做得舒服，呢间公司合作得耐又OK，咁点解唔继续呢。”
不过心美解释道她不想在TVB的主要原因。“可能系我性格问题，我唔系好适合喺TVB做。我觉得同好多部门打交道，人多是非多，我好怕呢啲嘢。点解因为NowTV同ViuTV咁适合我，人又唔系好多，总之我做到自己嘢，唔使拍人马屁。亦都因为人少，是非又少。”是非这种事，有人喜欢有人厌恶。正如上一篇专访说的，黄心美性格爽直而不拖泥带水，人少啲更可以令她专心工作又确实冇错。
黄心美不想在TVB拍剧，其实还有另一个原因。“唔系唔钟意拍剧，因为之前ViuTV都有拍剧，而系出面job好紧要。”这时候她经理人补充道：“因为一接咗套剧，佢就有义务要专心拍好套剧，出面工作（司仪工作）就接唔到。好似之前接咗ViuTV套剧，𠮶几日出面工作就要停晒嚟专心拍剧。”黄心美的事业路，其实并不如大家想像的这么轻松。“𠮶时有3年喺唱片公司做歌手，一来冇收入，二来揾唔到食。揾唔到食系最主要原因，另外一路行落嚟，都觉得自己唱歌唔系好好听啫。其实都唔系好钟意唱歌，如果唔系点解会3年之后就放弃呢？好多人一路追住个歌星梦。因为我知道我要揾食，我要生活吖。我大学毕业之后，签𠮶3年唱片合约收入都系极少，然后个个月都要摊大手板问我老豆攞钱，呢样嘢系我接受唔到，都咁大个人。At the same time，作为一个大家姐都要做一个好榜样畀啲妹睇。所以过咗𠮶3年个人就要醒，要自己照顾自己。”
黄心美这么努力“揾钱”的原因，除了把握工作机会之外，可能更是因为儿时穷过。“细个𠮶时屋企都几穷下，一家人连埋3姐妹迫喺200呎公屋入面。之后心颖出咗世之后先够人数可以换居屋，生活先越嚟越好。𠮶时老豆要供书教学，而妈妈同嫲嫲就剪下线头同埋照顾我哋4姐妹。”心美在加拿大毕业回港之后，就加入了唱片公司。结果，3年内零收入（其中一年在TVB做主持，万六人工还需要与唱片公司平分）。其后转加入NowTV，之后结婚，离婚，再到现在演艺事业的成功，当中花过多少努力，真的只有自己最清楚。
到底女强人系咪唔可以有爱情呢？
发型:Cedric Tsang@Nova Hair Nail
化妆: Dera Tse
服装:Ted Baker
场地赞助：AWA Teasha Lounge