【专访】黄心美离婚时靠妹妹支持度过　“我一滴眼泪都冇流过”

ViuTV最近播放的《暗中旅行2》，主持之一黄心美陪同订婚情侣去日本旅行。情侣中的男方仅剩一成视力，剧组叫心美帮这对订婚情侣拍摄婚纱照。心美初时不太想：“送畀个视障嘅就唔好送啲visual嘅嘢啦，但系后尾就觉得唔系㖞，都几好㖞。”改变她这个想法的原因是女友Umi与心美的一番对话。Umi：“我好想趁佢仲有一成视力嘅时候，生个小朋友出嚟俾佢见到。”心美说：“突然之间觉得呢个礼物有意义咗。”

能为这对情侣拍照，心美感到满意，但现实中的她，却极讨厌影相。她说：“我好憎影相，我连结婚相都冇影。”黄心美2010年与前夫结婚，经历5年Long-D生活后，正式签纸离婚。结婚时选了在峇里岛举行婚礼，在亲朋戚友30多人见证之下牵著手走上红地毡。梦想中的婚礼，婚礼之余，顺理成章的应该在峇里岛拍摄一辑pre-wedding(婚纱照)留下美好回忆，但黄心美没有。不拍婚纱照的原因，只是因为黄心美的性格，“我不嬲都话我系一个男人嚟，错晒㗎啲嘢”。

一生人一次的婚礼，顺理成章应该影婚纱照，纪录动人一刻。但黄心美不单止没有影结婚相，就连摆酒都冇，她说：“我最终结婚系冇摆酒，因为我好怕麻烦，好似做一场show俾人睇。我真心觉得我系要一个幸福婚姻，而唔系一个梦幻婚礼。其实我真系好憎影相，尤其是系做呢行(娱乐圈)成日都影相。你见我头先影相好似食咗便便咁就知咩事。”

不止峇里岛的婚礼简单，黄心美就连选择婚纱的过程也同样简单。“我好记得𠮶时喺台湾上网睇(婚纱)，跟住返到嚟香港上𠮶间铺头租婚纱。上到去我就话：‘我要呢件。’因为我喺台湾已经拣完。咁我试咗，话：‘OK㖞。Fit身，就租呢件。’跟住个sales问：‘吓，妳唔试埋其他，唔试多啲?’跟住我话：‘吓，唔使啦。’size啱，又拣咗啰，点解要试埋其他。可能好多女仔试完又觉得第2件靓啲。但系唔会发生喺我身上啰。我个人就系咁，OK啦，唔好麻烦。”(好似男人咁?)“我绝对系一个男人。我不嬲都话我系一个男人嚟，错晒㗎啲嘢。一个男人嘅内在，女人嘅外表，太恐怖。”虽然婚礼时婚纱照欠奉，但当时还是幸福开心的。如果每个女人都好似黄心美咁简单，都应该都唔错。

“我哋分开上去，冇嘢㗎。我一滴眼泪都冇流过。”签纸离婚当日，黄心美还是在工作中度过。然而婚姻生活中，2人并没有选择一齐生活。峇里岛行礼兼度蜜月后，一个回台湾进修EMBA(企业管理)，一个回香港继续拼搏。“你而家咁问我，我只能够答你，𠮶排特别多人结婚。人人都结啦㖞，我都结啦，都拍咗咁耐，唔结就分㗎啦。另外都要𠮶刹那冲动，咁就做咗呢件事。𠮶时有人问我你点解会结婚嘅？我𠮶时会答，‘right person at the right time.’而家呢，我就会话畀你听，‘冲动咗，可能系wrong person at the wrong time添’可能你下次问我点解结婚，可能都系因为冲动。”经过5年长距离爱情，似乎没有与预期所愿咁美好，5年后便离婚了。“因为佢过咗我嘅‘底线’，呢个系‘不能说的原因’。”黄心美喝了一口花茶，停顿了数秒之后续道：“我系真心觉得我需要做呢件事（离婚）。”

“我𠮶段时间除咗喊之外，就系日日摊喺张床度背稿。”正巧碰上她工作最忙碌的时间，差不多每隔日就有一个司仪工作。“我好好彩，因为我有好多朋友同个妹陪住我，所以好快就挨过咗𠮶段时间。出去食饭又有啦，唱K又有。我仲记得唱K系唱埋啲好惨情嘅歌，喊咪喊啰，喊完又一条好汉。𠮶时觉得，首首歌都好似讲紧自己咁。”或者黄心美当时的心情，就似她当时唱过周杰伦那首《安静》，当中的一句歌词一样，“你要我说多难堪　我根本不想分开　为什么还要我用微笑来带过”。


发型:Cedric Tsang@Nova Hair Nail
化妆: Dera Tse
服装:Ted Baker

场地赞助：AWA Teasha Lounge