《医疗船》收视险胜李钟硕《当你沉睡时》 河智苑为父亲自开刀！
撰文： 沈洛嘉
出版：更新：
逢星期三、四有两套好hit嘅韩剧上映紧，剧迷们一定有追啦！河智苑同CNBLUE姜敏赫嘅《医疗船》就已经播到一半，而李钟硕同miss A秀智嘅《当你沉睡时》就啱啱开播，但已经有好多韩剧迷大赞好睇！加上题材新鲜，昨晚𠮶集收视有10.9%，已逼紧11.4%嘅《医疗船》，绝对系来势汹汹！
昨晚个集《医疗船》讲到河智苑去咗李瑞元嘅家庭饭聚，因而知道李瑞元个院长爸爸原来想拉拢自己，成为一家人。本来李瑞元都有问河智苑：“你想唔想同我结婚？爸爸需要一个继承医院嘅人，而我系韩中医就已经冇份，爸爸好似想俾间医院你㖞！”而当河智苑竟像信口开河一样答应，反令李瑞元一针见血话：“原来你唔钟意我！”而搞笑嘅系河智苑仲话：“知你就好好揸车啦！”睇嚟李瑞元真系冇运行，莫讲话河智苑企得咁硬，另一方面就算佢明明知道自己对CNBLUE姜敏赫有好感，都一样冇敞开心扉，果然系超级女强人！
上集《医疗船》姜敏赫虽然失咗两次照顾河智苑嘅先机，但就换嚟两次照顾河智苑屋企人嘅机会！因而令河智苑个细佬好钟意呢位“姐夫”，河智苑个爸爸更好多谢呢位救命恩人！
唔讲唔得系《医疗船》塑造到河智苑系个超级女强人，简直劲过《不懂撒娇的女人》入面嘅Mall姐（宣萱）！因为河智苑今集做咗绝大部份医生应该未必会做嘅事，就系亲自为自己嘅亲人做手术！不过咁睇，亦都有可能系因为河智苑唔想假手于人，技艺高超嘅佢要亲自操刀先会放心！因为喺《医疗船》首播中，河智苑就系因为唔能够亲自救返自己妈妈，所以好后悔，亦都成为咗佢同姜敏赫之间嘅心结！
更多《医疗船》图片：
+20
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/