朴宝剑Twitter上传邪教活动？ 网民：粉丝都变成你传教对象！
韩国大势男星朴宝剑自韩剧《云画的月光》人气爆灯，去到边都系焦点所在！其实朴宝剑除咗系演员之外，佢仲有另一个身份就系基督徒，连朴宝剑呢个名都系教会牧师帮佢改㗎！寓意系“像国王手中的宝剑一样珍贵”！而朴宝剑5岁开始学钢琴，仲喺教堂担任钢琴手同唱诗班成员。
朴宝剑作为虔诚基督徒，佢之前都有讲过逢星期日都会尽量返教会，更希望将来嘅伴侣同佢一样有相同信仰。之不过，韩国竟然有消息指朴宝剑返开嘅教会竟然系邪教！而朴宝剑亦有澄清过自己返嘅教会并唔系邪教，自己也只系一个平凡嘅基督徒。
人气爆灯嘅朴宝剑昨日就喺Twitter为自己教会宣传，图中韩文为“为了国民和民族的和平，祈祷圣会。2017.10.02”。而朴宝剑又写下：“Prayer Assembly for the Peace of Our Nation and Country. The Seoul City Hall Square at 3pm on Oct. 2nd, 2017”想不到呢个post，却竟然惹嚟部份网民留言攻击：“唔该你节制下啦！因为你嘅傲气同固执，会有好多人成为变质嘅粉丝。只系用口讲下都有影响力，最终连粉丝都变成你嘅传教对象。”当然有睇唔过眼嘅粉丝留言反击：“唔想睇你咪唔好follow啰！”、“朴宝剑有令你受到伤害咩？冇啊嘛！朴宝剑有叫你返呢间教会咩？你做咩要喺度乱讲嘢阻住晒？你有冇谂过睇嘅人嘅立场？”其实朴宝剑都系忠于自己宗教，其他人可以唔信，但无必要攻击别人，亦冇叫人作出非法行为。再者朴宝剑返的教会亦冇被韩国政府取替，证明邪教之说证据也不太充分。
更多朴宝剑图片：
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/