【3日2夜．多图】仙气女神又返嚟　邝洁楹拍节目浸温泉浸到甩皮

不知不觉间，《3日2夜》就已经播到第119集。节目中除了带大家食和玩之外，当然不少得每一集都不少得的“浸温泉”或者沙滩泳衣镜头啦。在9月23日的那一集，被网民冠称“仙气女神”的邝洁楹 (Judy Kwong) 与电视机的观众游北海道，浸温泉之余，更加有不少饮饮食食的镜头。不少网民睇完之后大赞Judy“够晒自然，唔做作”、“好可爱”咁话。

当然，浸温泉出镜前减肥是常识吧。问到邝洁楹 (Judy) 有没有为了拍摄而瘦身，她接受《香港01》访问时说：“我减肥其实冇我partner(郑衍峰)减得咁劲，佢系节目2，3个月之前已经狂操肌。我净系临去北海道之前𠮶2,3个星期夜晚唔食饭，我净系食西瓜，跟住都减咗5磅。都清减咗少少先去，因为谂住去到日本可以食多啲。”

虽然Judy一早就计划好去北海道“增磅”，但是剧组又边会咁易放过佢呢？Judy说：“因为我差唔多每隔2,3日就浸一个温泉，大部分都系有毛巾，有一日就系冇毛巾咁拍，而𠮶日已经系成个trip差唔多尾声，所以都唔敢食太多啰。”所以话，“尘世间最痛苦的，莫过于美食当前，而不能尝之”。除了要节食之外，原来Judy在拍摄时出了一点意外：“我浸温泉𠮶阵唔小心跣亲，跟住刮到个背脊，有少少甩皮，宜家好勤力咁搽去疤膏。”

其实今次Judy为了拍摄节目，隔２日就要浸一次温泉，前后浸了４个，又浸温泉浸到甩皮，真系几惨。她说：“其实拍𠮶阵都系一个半钟搞掂。”即是拍摄温泉时足足浸了90分钟...其实一般而言，每次只可以浸5至10分钟左右，而次数又不宜多过3次。所以要拍浸温泉都唔易㗎。访问中Judy更说：“一路拍嘅时候佢哋叫我动作优雅啲，因为我本身好粗鲁。例如我坐嘅时候我个大脾擘开，因为个毛巾透透地，见到嘅时候就会有少少不雅。”