【爱‧回家】Venus邝洁楹好讨人欢心 样靓有学识兼单身真荀盘
《爱·回家之开心速递》前晚发生一幕阿妈棒打鸳鸯的情节，话说做阿妈的滕丽名希望儿子将重点放在学业上，所以出计令到周嘉洛唔可以同邝洁楹(Judy)一齐去澳门玩。作为虎妈的滕丽名真系好老土，个仔都已经读大学仲唔放心佢去拍拖，不过现今香港地的确有很多这类型的虎妈存在，仿佛跟现今香港的情况背道而驰，重归旧年代的思想。
Judy自从拍完《3日2夜》之后便得到不少网民留意，点解？因为拍亲呢个节目都会三点式上阵浸温泉，点会无人留意呀？其实佢本来是TVB娱乐新闻台主播，被节目组睇中揾佢拍《3日2夜》，凭住十分特出的身材而被广泛讨论，继而入埋剧组开剧。92年出生的她现在才24岁，样甜身材正，仲喺美国读完大学回流返嚟，各方面条件都真系顶呱呱，相信即使遇到虎妈奶奶都完全无问题。
在剧中被棒打鸳鸯的Judy在接受《香港01》访问时都好认同不让求学时期的孩子拍拖是一种好老土的想法，她说：“其实我妈咪都会关心我识咩朋友呀，同咩男仔来往呀，我觉得都系出自关心。我自己就唔反对读书时候拍拖，不过我就会同啲大个啲嘅人分享，但未必系父母，可能系哥哥呀表哥表姐𠮶啲咁，因为自己有个大四年既哥哥，大家都几close，佢亦都时不时关心我。从佢地口中可能会得到一啲佢地嘅经历，会讲你知读书拍拖会系点，由佢地讲读书唔好太专注拍拖可能会有效啲。”
在剧中，Judy面对虎妈滕丽名都无任何反抗，只有乖乖地服从。那么在现实中如果遇到男朋友的妈妈是虎妈又点算呢？她说：“咁我印象中我拍拖𠮶阵男方嘅家长都几钟意我架，哈哈！因为我都算系一个有礼貌同埋识得哄长辈开心嘅女仔。如果真系遇到虎妈，其实都真系几难入手，所以就更加要用个心去应付，要知道佢个心谂乜嘢。最紧要就系细心啲，例如天气转凉就叫佢著多件事，又或者行街见到佢钟意食嘅食物会买俾佢。”人又靓又识哄人，估唔到Judy而家仲系单身，真系城中荀盘。