【使徒行者2】张宝儿处女作同柏豪咀咀：同佢一齐都好易投入到
撰文： 黄梓恒
出版：更新：
《使徒行者2》未播出街，就已经率先播放一个前传给大家收看，在这个微电影当中，张宝儿(Bowie)会做周柏豪的女友，可惜最后都系惨死收场，为之后柏豪转投欢喜哥埋下伏线。今次是Bowie的处女作品，第一次在观众面前展露自己的演技，其实都好自然，完全唔似唔识做戏，以港姐出身来说算是十分好。
对于自己的处女作，Bowie表示：“虽然《溏心风暴3》入面我系有个角色名，不过唔算好多戏份，所以今次呢个《使徒行者2》微电影系我第一个面向观众嘅作品，好开心呀！我都听到唔少反应，真系几开心，同埋导演都话好满意我嘅演出，特别系最尾喺急症室一幕。普遍嚟讲啲意见都几好，系有人话死𠮶阵有啲夸张，都系嘅，可能我自己做惯《学是学非》啦，哈哈……但系感觉都唔错，我仲有好多要进步嘅地方，会继续努力。”
今次一次过与两大型男拍摄，第一个是黄德斌，她说：“有一幕跳上德斌度，因为拍𠮶阵其实已经系最后一幕，所以佢就问我想点拍，我就问返佢想点，佢话不如玩吓喇，叫我跳上去，所以我就一吓跳咗上去。”另一个就是大众男神周柏豪，柏豪和Bowie的男友袁伟豪在《使徒行者2》中都有不少对手戏，同柏豪对戏的时候未知Bowie会否被电亲？她笑说：“柏豪系男神嚟架嘛，同佢一齐都好易投入到，（柏豪同伟豪边个系男神）佢同伟豪边个系男神…哈哈，香港好多男神嘅，佢两个都一样系男神，无抵触嘅！我觉得佢哋呢个双豪党都唔错，好有默契，所以都好期待快啲睇到《使徒行者2》。”大家星期一晚就即管睇吓双豪党有咩劲爆演出喇。